{1} zomorosagodrol . kÿth te zent zaddal vallal  mikor azth mondad . zomoro en lelko̗m mind halaligh . holoth the zent lelko̗deth embo̗ri ÿdwo̗s-@@segnek valczagara keeznek vallad . ees te zent testo̗deth koornak 
mikoron az vtolso waczoran te zent tanÿethwa-@@nidnak labaÿth meg mosad . ees edo̗ssegwel welo̗k bekel-@@wen. te dragalatos zent testo̗-@@deth ees vero̗deth nekÿk adad . te dÿczo̗ kenodnak rakon voltath nekÿk meg hÿrdeteed .
{2} Emleko̗zÿel  vram Iesus  az nagÿ keserwsego̗dro̗l . kÿth the zÿwedben vÿseleel . ko̗-@@ro̗sthfanak kenÿat gondol-@@wan . mÿkoron az harom rendo̗n walo ÿmadasnak ees wero̗s wero̗ hullatasok-@@nak vthanna . theen tanet-@@wanÿod== ==mÿa el aroltatal .
te walaztoth sÿdo== ==nepeÿd== ==mia meg fogatal . hamis== ==tanok mÿa wadoltatal . harom bÿro mÿa hamissan ÿtelte-@@teel .
az theenmagadnak walaztoth warasban  ÿeru-@@salemben  {3} sÿdoknak nagÿ ÿelo̗s napÿan  nagÿ@@peento̗-@@ko̗n  te gÿengessegw ees ÿff-@@ÿw vÿragos testo̗dben artat-@@lan karhoztattatol wala . meg fogwan zo̗rnÿw ees retteneto̗ssego̗sth huzattatol wala . thazÿgaltatol wala . o̗klo̗zteto̗l wala . orczeel ha-@@gÿptatol wala . theen ruhat-@@tol meg foztatal . ÿdego̗n ruhaban o̗to̗zteteel .
te dÿczo̗ zo̗meÿdnek wÿlagossaga . kÿ mÿndo̗nt lath . ees edo̗sse-@@gw orczadnak zepssege kemen<ÿ> {4} sÿdoknak katronczaÿawal fo̗do̗zwen be ko̗to̗zteteenek .
holoth vram Iesus  kego̗s cri-@@stus  orczol weretteto̗l wala . ostoroztatol wala  kw labhoz ko̗to̗zteto̗l wala . kemense-@@go̗sso̗n ostoroztatol wala . nÿakon weretteto̗l wala . tho̗wÿs koronawal koronaz-@@tatol wala . naddal te zenth feÿed werettetÿk wala . ees kÿlo̗mb kÿlo̗mb zo̗rnÿwsse-@@go̗s kenoknak mÿatta zag-@@<ga>ttatol wala . mÿnd mÿ ÿd-@@wo̗ssegwnkerth .
Azeerth {5} keerlek  agÿad neko̗m  ke-@@go̗s Iesus . kÿ ez napon the zent fezwleto̗d elo̗th fo̗ldre estem esedo̗zwen . ees te dÿ-@@czo̗ssego̗s feÿlwl newezo̗th kenaÿdnak erdo̗meerth . en halalomnak elo̗tte bÿno̗m-@@nek keserwssego̗s meg za-@@nathÿat . zÿwemnek bÿzonÿ to̗redelmessegeth . sÿrasnak kwthfeÿeth . thÿzta gÿonatoth . telles elegtetelth . ees mÿn-@@do̗nnemw bÿneÿmnek bo-@@czanathÿath .
Amen .
Idwo̗z- leg kegÿo̗ssego̗s vram  Iesus {6} kristus  ÿrgalmaz enneko̗m  bÿno̗snek .
Lego̗n .
Olwas egÿ pater nosterth . ees egÿ aue mariath .
Massod ÿmad-@@czagh  O Vram  Iesus kristus  angÿalok-@@nak bÿzonÿ zabad-@@saga . ees genÿerwssego̗k-@@nek paradiczoma .
Emle-@@kozÿel  kego̗s Iesus . az rette-@@neto̗s zo̗rÿwssego̗kro̗l . kÿket zenwedeel . mÿkoron te ellen-@@segÿd mÿkent ero̗s orozla-@@nok tego̗d ragadanak . ha-@@gÿapanak .
ko̗ro̗mmel zag-@@gatanak . {7} thazigalanak . ees egÿebnemw halhathat-@@lan kenokal thego̗d zomo-@@reÿtanak .
Ez te nagÿ ke-@@menÿ ees bozzusagos keno-@@deerth . kÿwel  vram Iesus  mÿnd te ellensegÿd tego̗deth . tho̗kellenek . keerlek ees on-@@zollak mÿnd ez kenodeerth . zabadoh engo̗meth mÿndo̗n lathatos ees lathatatlan ellensego̗mtwl . ees agÿ ne-@@ko̗m te zarnÿaÿdnak arne-@@ka alath lelhethno̗m ÿdwo̗s-@@sego̗mnek otalmath .
Amen {8} Idwo̗z== ==leg dragalatos vram  Iesus kristus  ÿrgalmaz en-@@neko̗m  bÿno̗snek .
Lego̗n .
Pater noser . Aue maria .
Harmad ÿmadczagh . O Vram  Iesus kris-@@tus  ez vilagnak zo̗rzo̗ÿe ees tero̗m-@@tho̗ÿe . ees embo̗ri nemzeth-@@nek meg epeto̗ÿe . kÿ ko̗ro̗zt-@@fanak zo̗rnÿw kenÿatol meg nem ÿedeel .
Emleko̗z-@@ÿel meg  vram Iesus  az the nagÿ keserwssego̗s kenodrol ees serelmedro̗l  kÿt zenwecz {9} wala . mÿkoron az hitetlen sÿdook te zenczego̗s kezeÿ-@@deth elo̗zo̗r was zegwel ko̗-@@ro̗zthffara fezeÿteek . annak vtanna te gÿengessego̗s la-@@baÿdath . kÿre melto nem walanak illetnÿ . ees te ke-@@nodra nagÿob kenth . serel-@@medre nagÿob serelmeth . ees te zenczego̗s sebeÿdre wÿ sebo̗keth helho̗tnek wala . mÿkoron nagÿ kemenseg-@@gel ees kego̗tlensegel te zent thagÿdath az ko̗ro̗zthffanak altalssagara ees hozzusaga-@@ra {10} wgÿ huzaak  hogh te zent thagÿdnak mÿndo̗nnemw ÿzeÿ meg zakadozanak .
Kerlek tego̗d  kego̗s ees edo̗s zeep Iesus kristus  ez belÿ nagÿ kesserwsego̗s kenoderth ag-@@gÿad en zÿwemben te zent felelmedeth ees zerelmedeth . kÿ== ==mÿa en tego̗deth zeplo̗te-@@len zolgalhassalak o̗ro̗kwl o̗ro̗ke .
Amen .
Idwo̗z== ==legÿ kegÿo̗ssego̗s vram  Iesus kri-@@stus  ÿrgalmazÿ enneko̗m  bÿno̗snek .
Lego̗n .
Olwass Pater nostert<h> . Aue mariath .
{11} Negÿed Imadczag  O Vram  Iesus kristus . o̗ro̗k menÿeÿ kiral . embo̗ri nemzetnek vrwosa . Emleko̗zÿel te nagÿ serel-@@mes kenodrol  kÿth zenwedel  mÿkoron ko̗ro̗sthffanak ma-@@gassagara fo̗ldro̗l fel emel-@@teteel . mÿnd te tagaÿdban meg zakadozwan .
sem egÿ te zent tagÿdban helen ma-@@rada  wgÿ hogÿ nagÿ kenod-@@hoz sem egÿ ken haso<n>latos lettetne<ÿ>ek . merth talpadtol fogwan mÿnd teteÿg te zent {12} testo̗dben eep semÿ nem wa-@@la 
ÿl nagÿ kenrol  vram Iesus  nem emleko̗zeel . me-@@rth te nagÿ meel ÿrgalmas-@@sagodath mwtatad . holoth ellensegÿdeerth ÿmadal mo-@@ndwan .
en zent athÿam . boczassad nekÿk . mert nem thwgÿak  mÿth theeznek .
Ez te nagÿ ko̗gelmessego̗dert . zeretteto̗derth . ees ÿrgalmas-@@sagoderth . ees ez kenokrol meg emleko̗zto̗derth .
agÿad neko̗m  kegÿo̗s Iesus . hogÿ ez te kesserwsego̗s kenodnak {13} emleko̗zethÿ lego̗n neko̗m mÿndo̗nnemw bÿneÿmnek boczanathÿa . ees mÿndo̗n gonozoknak el tawaztatha-@@sa 
Amen .
Idwo̗z== ==legÿ ÿrgal-@@massagos vram  Iesus kris-@@tus  ÿrgalmazÿ enneko̗m  bÿ-@@no̗snek .
Lego̗n .
Pater noster . Aue maria .
o̗tho̗d ÿmaczag  O Vram  Iesus kristus  o̗ro̗k ffeno̗ssegnek thÿko̗re . ees felsego̗s athÿa ÿstennek bo̗lczessege . Emleko̗zÿel te nagÿ kesse-@@rwsego̗dro̗l . kÿth te zÿwedben {14} zenwendeel . mÿkoron meg latad te felsego̗s ÿstensego̗d-@@nek tÿko̗reben . te walazthid-@@nak ÿdwo̗zwlesso̗keth az te kesserwsego̗s halalodnak erdo̗menek mÿatta . ees az gonozoknak karhozathÿo-@@kath az o̗ halaadatlanssa-@@gokeerth .
oh te nagÿ meel-@@sego̗s ÿrgalmassagod  vram Iesus . kÿ mÿ raÿtonk  wezo̗-@@delmes bÿno̗sso̗ko̗n ko̗nÿo̗-@@rwleel .
kerlek tego̗d  kegÿos Iesus . en ÿsteno̗m . tero̗mto̗m ees meg waltom . ÿelo̗nnen {15} az nagÿ ÿelo̗s ÿrgalmassa-@@goderth . kÿth az ko̗ro̗zthffan fÿgwen az tolwaÿnak mw-@@tatal mondwan . ez nap we-@@lem leez paradÿczomban : hogÿ tegÿed en welem en ha-@@lalomnak ÿdeÿn azon ÿrgal-@@massagodath . kÿ mÿa te dÿ-@@czo̗ssego̗s orczadath lathas-@@sam nagÿ wÿgasagwal az menÿeÿ paradiczomban . o̗ro̗kwl o̗ro̗ke .
Amen .
Lego̗n .
Idwo̗z== ==legÿ edo̗ssego̗s vram  Iesus kristus . ÿrgalmaz enne-@@ko̗m bÿno̗snek .
Lego̗n .
Olwas {16} Pater nostert . Aue mariath .
Hathod ÿmadczag . ez :- O Vram  Iesus kristus  zerelmes kÿral . ees mÿndo̗no̗stwl kÿ-@@wanatos barath . Emleko̗z-@@ÿel az keserwsegro̗l  kÿth zen-@@wedeel . mÿkoron mÿnd te barattitwl el hagÿattatal . mezeÿtelen ees zegenÿwl ko̗ro̗zthffan fÿggeel . ees mÿ-@@nd te baratid ees esmero̗ÿd te elleno̗d thamadanak . es senkÿ o̗ ko̗zzwlo̗k wÿgazta-@@lod nem lezo̗n wala . hanem {17} czak te zerelmes zÿledeth  zÿz mariath . o̗ lelkenek kese-@@rwsegeben hÿwsego̗th tarth-@@wan te ko̗ro̗ztffad alath alwan . kÿth te tanetwan-@@ÿodnak  Ianosnak aÿanlal mondwan . Azzonÿembo̗r ÿm fÿw neko̗d . az tanetwaÿ-@@nak kedig . ÿm anÿa teneko̗d .
Kerlek tego̗d  kegÿo̗s Iesus  az to̗rnek keserwsegeerth : kÿ akoron te zenczego̗s zÿ-@@lednek lelket ees zÿwet atal folaa . ees az te o̗ raÿta walo keserwsego̗deerth . hogÿ mÿn-@@do̗n {18} zomorosagos nÿawa-@@lamban mÿnd testh zerent ees lelo̗k zerenth leg enneko̗m wÿgasagos hÿedelmem :
Amē .
Idwo̗z== ==legÿ kÿwanatossagos vram  Iesus kristus  ÿrgalmaz enneko̗m  bÿno̗snek .
Lego̗n .
Pater noster . Aue maria :-
Hethed ÿmadczagh ez : O Vram  Iesus christus  wÿgasagnak koro-@@naÿa . bodogsagnak kencze . wÿgaztalasnak es merhettetlen ko̗gÿelmesseg-@@nek kuthffeÿe ees eredethÿ . {19} kÿ mÿnd te zÿwednek kÿwa-@@natos zerelmewel az ko̗ro̗zt-@@ffan fÿgwen mondad  az zoth . zomehozom . az az embo̗ri nemzethnek ÿdwo̗ssegeth .
kerlek tego̗d  kegÿo̗s Iesus  hogÿ mÿ zÿwo̗nknek kÿwanatos-@@sagath to̗keÿled mÿndo̗n to̗-@@kelleto̗s mÿelko̗detre . ees te-@@sthÿ kÿwanatossagnak zo-@@mesagath . ees embo̗ri eth-@@keknek bwzgosagos gÿo̗ÿo̗-@@rwsegeth . ees ez wÿlagnak zerelmeth . te zent malaztod-@@nak hÿwsegewel mÿndo̗no̗s-@@twl ffogwa {20} meg olczad .
A-@@men .
Idwo̗z== ==legÿ zeretteto̗s vram  Iesus kristus  ÿrgal-@@maz enneko̗m  bÿno̗snek :
Pater noster . Aue maria .
Nÿolczad ÿmadczagh ez . O Vram  Iesus kristus  kÿ wagÿ hÿwo̗o̗k-@@nek bÿzonÿ wÿla-@@gossaga . zÿweknek o̗ro̗k edo̗s-@@sege ees wÿgaztaloÿa . ees elmeknek nagÿ go̗ÿo̗rwsse-@@ge .
Az eco̗thnek ees mero̗g-@@nek o̗ nagÿ keserwsego̗s ke-@@nÿaerth . kÿth mÿ ero̗tto̗nk {21} zenwedeel . mÿkoron az ko̗-@@ro̗stffan fÿgwen meg kosto-@@lad te halalodnak ÿdeÿn .~
Kerlek tego̗d  kegÿo̗s Iesus  ez belÿ kenoderth . hogÿ hala-@@lomnak ÿdeÿn agÿad neko̗m te dÿczo̗sego̗s zent testo̗dnek ees wero̗dnek meeltan walo hozÿam weteleth . hogÿ kÿ le-@@go̗n en lelko̗mnek wigasa-@@gara ees ÿdwo̗ssego̗mnek waltasara .
Amen .
Idwo̗z- legÿ zelÿczego̗s Vram  Iesus kristus . ÿrgalmaz enneko̗m  bÿno̗snek .
Amen .
Legÿo̗n .
{22} Pater noster . Aue maria .
Kÿlenczed ÿmadczagh 
O Vram  Iesus cristus  kÿ wagÿ kÿralÿ ÿo-@@zaag ees elmeÿ wigasag .
Emleko̗zÿel az nagÿ keserwsego̗s zomorwsagod-@@rol . kÿth zenwedeel te zenth halalodnak ÿdeÿn mÿ ero̗t-@@to̗nk fÿgwen az ko̗ro̗ztffan . mikoron sÿdo== ==nepek tego̗det bozzwsagos karomlo beze-@@do̗kwel illeteenek .
Ees the  vram Iesus  ÿme nagÿ zo-@@wal . ees keserwsegw ko̗nÿw hullatasokwal {23} ÿwo̗teel mondwan .:- En ÿsteno̗m  en ÿsteno̗m . mÿre hagÿal el engo̗meth .
hogÿ ha el hagÿa-@@ttatal wolna athÿa ÿsten-@@twl .
de bÿzonÿara ÿol leheth vram Iesus  hogÿ te zenth a-@@thÿad  kÿwel ÿstensegben egÿ wagÿ  tego̗d sonha el nem hagÿoth wolna . de maga ez nagÿ kenodnak latathÿa-@@erth . ez wÿlagÿ nepeknek vgÿ esmertetÿk wala .
Ker-@@lek azerth tego̗d  kegÿo̗s Ie-@@sus  ezbelÿ nagÿ zomorwsagos {24} kenoderth . hogÿ en halalom-@@nak ÿdeÿn engo̗m el ne hagÿ en vram ees en ÿsteno̗m .
Amen .
Iÿdwo̗z== ==legÿ beko̗se-@@go̗s vram  Iesus kristus . ÿr-@@galmaz enneko̗m  bÿno̗snek 
Legÿo̗n .
Pater noster . Aue maria :
Thÿzed ÿmadczagh  O Vram  Iesus kristus . kÿ wagÿ kezdeth ees wegezeth . ees mÿndo̗nnemw wrwossag-@@nak ÿozagos kencze . Emle-@@ko̗zÿel  vram Iesus  mÿkenth te zent embo̗rsego̗deth tal-@@pattwl {25} fogwan teteÿg nagÿ kemensegw kenra boczatad .
zo̗netlen tego̗deth kerlek  kegÿo̗s Iesus  az soksagw se-@@beÿdnek zelo̗ssegeerth . meel-@@segeerth . ees nagÿsagaerth . hogÿ en bÿzonsagos zerelm-@@emwel te nagÿ zelo̗s paran-@@czolatÿdath o̗rÿzhessem . ees wegÿ . engo̗meth az te zen-@@czego̗s zeretteto̗dben .
Amen .
Idwo̗z== ==legÿ bo̗lczesego̗s vrā  Iesus kristus . ÿrgalmaz enne-@@ko̗m  bÿno̗snek .
Legÿo̗n :-
Pater noster . Aue maria .
{26} Thÿzo̗negÿed ÿmadczag : O Vram  Iesus kristus  kÿ wagÿ felsego̗s ÿozag . ees ÿrgalmas-@@sagnak meelsege : Kerlek te-@@go̗deth ez nagÿ te dÿczo̗sego̗s sebeÿdnek meelsegeerth . kÿk-@@nek meelsege ol nagÿ wala . hogÿ zent zÿwedeth : czonto-@@dath ees belo̗deth mÿnd meg oltotta wala .
En bÿneÿm-@@nek meelsegebo̗l zabadoh  ke-@@go̗s Iesus . ees te dÿczo̗ sebeÿd-@@nek meelsegeben el reÿcz . mÿglen te zent orczadnak {27} haragossaga el mwlik . hogÿ en wÿgasagos o̗ro̗mwel te zent orczadath lathassam .
Amen :
Idwo̗z== ==legÿ hatal-@@massagos vram  Iesus kri-@@stus  ÿrgalmaz enneko̗m  bÿno̗snek .
Legÿo̗n .
Oluass egÿ pater nosterth . ees egÿ Aue mariath .
Thÿzo̗n-@@ketho̗d ÿmadczagl ez . O Vram  Iesus kristus  kÿ wagÿ ÿdwo̗sse-@@go̗s egÿessegnek ÿele . zerelmnek ko̗tele . ees o̗ro̗k feno̗ssegnek ees ÿgassag-@@nak {28} tÿko̗re . Emleko̗zÿel  vram Iesus  az te nagÿ zam-@@talan soksagos kenodrol :- kÿ oÿl ÿgo̗n sok wala . hogÿ tetedtwl fogwan talpadÿk te testo̗dben egesseg nem wala . merth kegÿo̗tlen sÿ-@@dok mÿa mÿndo̗no̗stwl- fogwan el zaggatattal wala . te dragalatos wero̗d-@@ben kewero̗dwen .
Ez te dÿ-@@czo̗sego̗s zamtalan keno-@@derth  kÿketh mÿnd te zep-@@lo̗telen testo̗dben mÿ ero̗t-@@to̗nk zenwedeel . ees az nagÿ {29} mondhatatlan zerelmerth  kegÿo̗s Iesus . hogÿ mÿth kel-@@lo̗th wolna towaba mÿ ero̗t to̗nk tenno̗d . ees nem tetted wolna .
bÿzonÿ te nagÿ bew-@@sego̗s zerelmedeth neko̗nk mwtatad .
Kerlek tego̗d  ke-@@gÿos Iesus  hogÿ mÿnd the dÿczo̗sego̗s kenÿdath . te zeep dragalatos wero̗dnek ten-@@taÿawal en zÿwemben meg ÿrÿad . hogÿ te zent kenÿdath ees zerelmedeth en zÿwem-@@ben mÿkepen ko̗ÿo̗rwlo̗ ol-@@washassam . ees zÿnetlen {30} halalomnak ÿdeÿg mÿnd ezo̗kro̗l teneko̗d halath ad-@@hassak o̗ro̗kwl o̗ro̗ke :
Amen .
Idwo̗z== ==legÿ feno̗ssego̗s vram  Iesus kristus . ÿrgalmaz en-@@neko̗m  bÿno̗snek :
Legÿo̗n .
Pater noster  Aue maria .
Thÿzo̗n harmad ÿmadczag . O Vram  Iesus kristus  Ero̗s orozlan . hal-@@hatatlan ees gÿo̗z-@@hetetlen kÿral : Emleko̗zÿel az nagÿ keserwsegro̗l . kÿth te halalodnak ÿdeÿn vallal . mÿkoron te zent kenÿdnak {31} foghsaga . nagÿ keserwsege . tego̗d meg to̗kelle . holoth mÿnd testo̗dnek ees lelko̗d-@@nek ereÿe . te nagÿ kenos kor-@@sagoderth meg fogÿatkozoth wala .
zerth te kegÿo̗s feÿe-@@deth halalos keserwsegwel le figgezteed az zo mond-@@wan . meg to̗kello̗th . az az . embo̗ri nemzetnek ÿdwo̗s-@@sege .
Ez belÿ keserwssegos ze-@@relmederth kerlek tego̗deth  zerelmes ees kegÿo̗s Iesus : hogÿ en halalomnak ÿdeÿn ees wegezetÿn . mÿkoron en {32} lelko̗m ees elmeem halal-@@nak gÿarlosagos zomorw-@@sagaban leÿend . ÿrgalmas-@@sagoth tegÿ welem : hogÿ el-@@lensego̗mnek rettento̗ zo̗r-@@nÿwsegeth ne lassam . remen-@@sego̗meth te benned wessem . hogÿ o̗ro̗ke teweled . ees the zentÿdwel lakhassam .
Amē .
Idwo̗z== ==legÿ no̗mo̗ssego̗s vram  Iesus kristus  ÿrgalmaz en-@@neko̗m  bÿno̗snek .
Legÿo̗n :
Pater noster . Aue maria :-
Imar ez vthan ko̗wetko̗zÿk thÿzo̗n negÿed ÿmadzag .
{33} O Vram  Iesus kristus  kÿ wagÿ felsego̗s athÿa vr ÿstennek egÿetlene . o̗ dÿczo̗segenek feno̗ssege . ees o̗ mÿwolta-@@nak abraza : Emleko̗zÿel az te alazatos aÿanlasodrol . mÿkorth athÿa ÿstennek te zent lelko̗deth nagÿ fel zowal aÿanlad mondwan . Atÿam  te markodban aÿanlom en lelko̗meth : ees zakadozoth te zent testo̗d nÿlwan walo te nagÿ meel sebÿdnek kese-@@rwsegewel : mÿ walczagon-@@kerth {34} te ÿrgalmassagod . nagÿ kÿa<l>tassal te zent lelko̗deth kÿ boczatad . hogÿ kÿ kÿaltas vram Iesus  te zent ÿstensegÿ hatalmadnak wala ÿegÿe .
Ez te dÿczo̗ ees dragalatos halaloderth kerlek tego̗deth zo̗netlen  kegÿo̗s kÿral  ba-@@toroh engo̗meth ero̗s an-@@gÿaloknak mÿatta . hogÿ en ellensegÿmnek . o̗rdo̗g-@@nek  ez wÿlagnak ees testo̗-@@mnek ellene alhassak . ez wÿlagÿ bÿnnek meg haÿlak . theneko̗d eÿlek : hogÿ en {35} halalomnak ÿdeÿn en lel-@@ko̗meth . ez zamkÿweto̗th ees zarandok herro̗l . foga-@@gÿad te zent lakodalmadban . bÿzonsagos wÿgasagra . hol-@@oth mwnkalodasnak terhe el wegeztetÿk . ees te dÿczo̗-@@sego̗dnek zepsege faradath-@@lan kewansagban tho̗kellet-@@tetÿk o̗ro̗kwl o̗ro̗ke .
Amen .
Idwo̗z== ==legÿ ÿozagos vram  Ie-@@sus kristus . ÿrgalmaz en-@@neko̗m  bÿno̗snek .
Legÿo̗n 
Pater noster . Aue maria :
thÿzo̗n o̗tho̗d ÿmadczag  {36} O Vram  Iesus cristus  bÿzonÿ ees gÿw-@@mo̗lczo̗s zo̗lo̗tho̗ . Emleko̗zÿel te zent wero̗d-@@nek kÿ ontasarol . kÿth te zent testo̗dbo̗l . mÿkenth az meg faczarth zo̗lo̗febo̗o̗l . mÿ ero̗tto̗nk nagÿ bewsego̗sth kÿ ontad . mÿkoron ko̗rozth-@@fad saÿtoÿaban . thenma-@@gad ÿdwo̗ssego̗nknek borath  te dragalatos wero̗deth kÿ faczarad . ees az sÿdo wÿtez-@@nek . o̗ . cucaÿa te zent olda-@@ladon nagÿ melsego̗s sebo̗th {37} nÿta . honnan te dÿczo̗ we-@@ro̗deth wÿzzel elegÿ mÿ ÿd-@@wo̗ssego̗nknek zerelmenek ÿegÿere neko̗nk adad . wgÿ hogÿ egÿ czo̗ppeneth weer sem marada te benned  kÿt mÿ ÿdwo̗ssego̗nkerth kÿ nem o̗to̗ttel wolna .
Ees ÿme . akoron  vram Iesus  te dÿczo̗segw gÿenge testo̗d meg herwada . te belÿdnek o̗ nedwessege meg aza . te zent czontÿdnak o̗ weleÿ meg o̗zto̗wero̗denek . ees mÿnd te zent embo̗rsego̗d {38} magas ko̗ro̗ztffan fÿgwen . zomorwsagos gÿasban o̗lto̗-@@zeek .
holoth  kegÿo̗s Iesus  oÿlannak ÿelo̗neel . mÿnth az newo̗== ==ffa nÿalaban .
Ez te nagÿ dragalatos wero̗d-@@nek kÿ ontasaerth . ees az te keserwsego̗s kenoderth ees halaloderth . ees mÿnd az te zenczego̗s sebeÿderth kerlek tego̗d  edossego̗s vram  Iesus kristus . hogÿ sebho̗ssed meg edo̗ssen en zÿwemeth az te dragalatos sebeÿdwel . ees gÿaponczÿ engo̗m te zenth {39} zerelmedben . hogÿ te zent kenodon ees halalodon wa-@@lo sÿralmam . legÿo̗n enne-@@ko̗m kenÿerem eÿel ees na-@@ppal .
Ees fordoh engo̗meth mÿndo̗no̗stwl te hozÿad . hogÿ az en zÿwem legÿo̗n neko̗d o̗ro̗ke walo kellemeto̗s lako-@@dalm . ees en nÿaÿassagom . ez sÿralmnak wo̗gÿeben . legÿo̗n teneko̗d kellemeto̗s ees foganatos .
ees az en e-@@le<to̗>mnek o̗ wegezetÿ legÿo̗n oÿl dÿczereto̗s  hogÿ ez wÿla-@@gÿ eletnek wegezetÿ vtan . {40} tego̗deth meelto legÿek lath-@@nom ees dÿczerno̗m mÿnd te sok zentÿdwel egÿeto̗m-@@ben az o̗ro̗k dÿczo̗segben o̗ro̗kwl o̗ro̗ke .
Amen :~
Idwo̗z== ==legÿ meeltosagos vram  Iesus kristus  ÿrgalmaz en-@@neko̗m bÿno̗snek .
Legÿo̗n .
Olwas egÿ Pater nosterth ees egÿ Aue mariath :~ Ees ez vtan aÿanld el . ez fellwl meg owasoth ÿmad-@@czagokath . ÿm== ==ez ala meg ÿrth ÿmadczagwal . mondwan . Ez ÿnteso̗keth ees ÿmad-@@czagokath {41} aÿanlom tene-@@ko̗d  zerelmeto̗s vram  Iesus kristus . ees adok teneko̗d soksagw ees wekhetetlen halaadasokath az te zen-@@czego̗s sebeÿderth . te draga-@@latos wero̗derth . te dÿczo̗se-@@go̗s ees kegÿo̗ssego̗s keno-@@derth . ees te keserwsego̗s halaloderth . ees mÿnd az te mondhatatlan ees zamlalhatatlan ko̗gÿel-@@messego̗s ÿrgalmassagod-@@bol walo ÿol teettederth . kÿth to̗ttel en welem . az te {42} edo̗ssego̗s ees zenczego̗s ne-@@wednek dÿczeretÿre ees dÿ-@@zo̗segÿre . o̗ro̗kwl o̗ro̗ke 
Amen :
{43} Ko̗wetlko̗zÿk ÿmmar zent Bernald doctor ÿmadczaga .
IDwo̗z== ==legÿ ez wÿlag-@@nak ÿdwo̗ssege  dra-@@galatos Iesus kri-@@stus :
ÿm en ko̗ro̗zt-@@ffadhoz leeptem . te legÿ neko̗m sego̗delmem .
Zent ko̗ro̗zthfan ha gondollak  te kenodban en kÿwanlak .
vgÿ ÿmadlak  mÿnth lath-@@nalak . so̗th en elo̗ttem twdlak :
Oh meÿl mezete-@@len tego̗d lathlak . Zent ko̗-@@ro̗ztfan ha ÿmadlak . meg werethwe . {44} meg hwzlalwa . meg to̗rethwe . meg vtalwa :
Kegÿo̗s pastor  te kenodban en ne legÿek meg vtalwan .
esmerÿ engo̗m edo̗s waal-@@tom . legÿo̗n te zent kenod gondom .
Keserwllek tÿz-@@ta zÿwel . kÿwanatos aka-@@rathwal .
nem farathczag  sem nehesseg : de wÿgasag ees edo̗ssegh : Ha kenodban o̗rizendlek : ko̗ro̗zthffadon o̗lelendlek .
kerlek vram  meg ne vtalÿ . meeltosaa-@@gosth engo̗m meg halgas :
{45} Ko̗zel wagÿon te halalod . ÿm elo̗tted te zolgalo [leanÿod] : zent feÿedeth hozzam haÿczad . en o̗lembe meg nÿwgossad :
The bewsego̗s malaztodba wongÿ te hoz-@@zad bÿzonsagban : hogÿ . lassalak . kÿwanÿalak . zol-@@gaÿlalak : nÿwgossalak .
O meÿl kegÿo̗ssegben lat-@@lak . merth keez wagÿ ÿo-@@nak ees gonoznak . kegÿo̗t-@@lennek ees kegvo̗snek . te sebeÿdben mÿnd helth lel-@@nÿo̗k . merth zent wero̗dnek {46} hwllasath . te o̗nekÿk ÿn-@@gÿen adad :
Kegÿo̗s vram  Iesus kristus . kÿ weretet-@@tel . sebo̗swltettel . keser-@@gettettel . bethego̗kerth bethegwltel . zegenÿo̗ko̗n ko̗nÿo̗rwltel :
Im en ma-@@gam hozzad vettem . koor-@@woltomath hol esmertem .
bÿno̗so̗ko̗n kÿ ko̗nÿo̗rwlz . hÿzo̗m  welem nem nehezwlz :
IDwo̗z== ==legÿ ez wÿlagnak ÿo meg waltoÿa . nehezwl-@@teknek kÿwansaga . kÿ ko̗-@@ro̗ztfara emelteteel . keth {47} kezedo̗n figgezteteel .
Thw zent kezek ÿdwo̗z== ==legÿeto̗k . vÿ rosawal meg to̗lteto̗k  kÿketh el terÿezthwen . ag-@@ra kemenÿo̗n hwztak : was zegekwel meg gÿag-@@dostak . Kÿkbo̗l gÿo̗n-@@gÿelo̗ wero̗d hullot . azzw fo̗ldeth harmatozoth .
La-@@tom  hogÿ folÿ mÿndo̗nẅ-@@nnen . te zeep wero̗d nagÿ bewsegwel : Pÿros oÿl  mÿnth masth nÿlth rosa . mÿ lelko̗nknek walcza-@@gara .
Barson zÿnw wero̗s {48} kezed . zerelmemben meg o̗lelo̗m : Zomehozoth azzw zamwal . ÿzom zent wero̗-@@deth kÿwansagwal .
ko̗ro̗zth-@@fadath ha zoreÿtom . sÿrwa mondom wÿgasagom :~
Kemensego̗s nagÿ keno-@@derth . te zent wero̗d hwlla-@@saerth . adok halath ko̗nÿ hwllatwa . zent kezedet meg apolwa :
Zent wero̗dben kesero̗dwen . remensego̗m beleed wetho̗m . the zenth kezed oltalmazzon . hala-@@lom koron  ees te ÿogod . engo̗m {49} hozzad fogagÿon 
IDwo̗z== legÿ en ÿdwo̗ssego̗m  Iesus kristus . ees en edo̗sse-@@go̗m .
ÿm ÿelo̗nÿk te zerel-@@med  mert mezeetelen te zent meÿled :
Kÿ dÿczo̗ es ÿdwo̗zlendo̗ . nagÿ felelmel ÿlletendo̗ .
kÿ zent harom-@@sagnak zekÿ . nagÿ zerel-@@mnek ÿelo̗s hele :
Ero̗te-@@lennek ero̗ssege . feelelmes-@@nek beko̗sege . farattaknak ÿo zallasa . zegenÿo̗knek nagv beew haza .
IDwo̗z== ==legÿ vrnak edo̗s {50} zÿwe . en ÿohomnak ÿo o̗ro̗me .
hozzad ÿwthnom en o̗rwendo̗k . halgas meg engo̗m  ha neko̗d bezeello̗k .
Meÿl az zerelm  kÿ tego̗d meg gÿo̗ze .
meÿl az zerelm  kÿ ÿgÿ gÿo̗ttre .
Lathom . ma-@@gad meg fogÿattad . mÿn-@@do̗no̗stwl neko̗nk adtad :
The nepedeth ha meg wal-@@tad . hath magadath halal-@@ra adad .
Halalok== ==ko̗z<o>th . keserweb halal . kemeenÿ halal . fo̗swen halal : Kÿ ez dÿczo̗ melbe meene . hol {51} wÿlagnak elo̗tte eele .
zent zÿwedeth meg zaggatha . draga wero̗d kÿ hullatha .
Halaloderth  kÿth ÿgÿ wal-@@laal . en zÿwemnek zereto̗-@@ÿe . ne legÿek naalad el fe-@@ledwe .
ÿohomnak akara-@@thÿat lassad . Kemenÿ zÿ-@@wem meg sepho̗ssed .
ke-@@serwel kesero̗hed .
nÿlÿeek zÿwed mÿnth zeep rosa . kÿ ÿllatÿath tawul agÿa :-
En lelko̗mwel egÿee lee-@@gÿo̗n . hogÿ en zÿwem meg zepwÿlo̗n :
kÿ tego̗d zereth . {52} az nem epedh :
ha kÿ ke-@@serg  akkor wÿgad : Mert mÿth thegÿo̗n  o̗ nem tu-@@gÿa .
ko̗nÿhullatas wÿga-@@saga . attwl magat nem tÿlhatÿa . merth o̗ro̗meth nem monthatÿa :
Ha hal-@@hatna  sokzor halna .
az kÿth kÿwan  czak foghath-@@naa .
ÿlÿ zerelmedeth ne-@@ko̗m agÿad . ees zÿwemet hozzad wongÿad : Hogÿ tego̗deth kÿwannÿalak . ez wÿlagnak en meg haÿ-@@lak :
o̗ro̗k eeleth  thego̗d {53} kÿwanlak . edo̗ssegwel te-@@go̗d latlak : The ÿndohad  en ÿohomath : hogÿ kÿwa-@@nÿon enne nagÿ ÿoth .
zÿ-@@wem eÿlo̗n zerelmedben : ne alogÿon ÿth resthczeg-@@ben :
Hozzad fusson  hoz-@@zad sÿrÿon . ees mÿndo̗n-@@kor tego̗d tarczon .
zenth zÿw  meÿl zeep te nÿlasod . kÿwansagos te ÿllatod :
Meeltoltassaal neko̗m nÿlnod . en zÿwemeth hoz-@@ÿad wonnod .
nalad lee-@@teeth vgÿ zeresse . hogÿ o̗ {54} magad el felegÿe .
Nalad legÿo̗n . oth nÿwgogÿeek . ees te hozzad ÿgÿeko̗zÿek .
tego̗d zÿwem akar tudnÿ . ne akarÿad magad thw-@@le el vonnÿ :
IDwo̗z== ==legÿ Iesus  o̗ro̗k nagÿ ÿo . ÿrgalm tennÿ zorgalmazo . o̗ztho̗-@@wer tagÿd meg farattak . zent ko̗ro̗ztffan huzlaltat-@@tak 
Idwo̗z== ==legÿ ÿdwo̗zÿ-@@temnek oldala . kÿbo̗o̗l nagÿ ÿdwo̗sseg fola . on-@@nath zent weer wÿzzel ÿo-@@we . hogÿ tÿztwlna nepnek {55} bÿne .
En tehozzad ko̗zel ÿo̗ttem . de ko̗nÿo̗rwl en raÿtham . mert elleno̗d weto̗ttem :
Iolleheth pÿr-@@rongo orczawal . de laam ÿgaz akarathwal . hozzad ÿo̗ttem  hogÿ lassalak  zent kenodban sÿrassalak :-
IDwo̗z== ==legÿ kegÿo̗s oldal. nÿlas . kÿbo̗l ÿo̗we zenth wÿz folÿas .
pÿrhonÿottal mÿnt zeep rosa . menÿor-@@zagnak wagÿ aÿtoÿa . Te ÿllatod mÿndo̗n fo̗lo̗th .
kÿ wÿz to̗lo̗nk mereettetÿk . {56} zomehoztak hozzad ÿo̗nek . tenalad meg zaÿosulnak .
Pÿrus oldal  neko̗m nÿlÿ-@@al . en zÿwemtwl el ne ta-@@wozzal .
ha en weled el mehetneek . oth magam-@@nak nagÿ ÿoth lelneek .
Zomÿw zamwal ha illet-@@lek . go̗rÿedetozth ha o̗lel-@@lek . akor wagÿok mÿndo̗n ÿoban . ees en lelko̗mnek nÿwgolmaban .
Oh meÿl edo̗s ez zent ÿllath .
kristus Iesus  kÿ tego̗d laath . the e-@@do̗ssego̗d  kÿketh meg gÿo̗z-@@nek : {57} ha lehetne  halnanak weled :
Edo̗s vram  ez zent sebbe . fekÿo̗n zÿwem <ees> ez wer-@@ben .
ez wÿlagbol ha kÿ mw-@@lom . legÿo̗n zent oldalad zallasom . hol en lelko̗m meg nÿwgogÿek . pokol mÿa meg ne fogtasseek .
IDwo̗z== ==legÿ zentho̗knek ÿd-@@wo̗ssege . bÿno̗so̗knek re-@@mensege .
zent ko̗ro̗ztffan meg wontattaal . vgÿ mÿnt bÿno̗s taglatattaal :
Bÿzon ÿsten  ha fen fÿggeel . bÿzonÿ embo̗r meg o̗leteel .
Oh mel {58} zegenÿo̗n  melÿ mezetelen lam ko̗ro̗ztfan mewette-@@teel .
Nem kethelen  dee akarwa . sÿdo neepnek vagÿ ÿateka .
ÿl halallal ha o̗le-@@teel . zent tagÿdban ha to̗-@@reteel : The sebidnek nem len zama .
te zent weero̗d wÿzzel hulla . harom zeg ko̗zth ha tekergeel . zeep wee-@@ro̗dben meg fo̗ro̗deel .
O kazdagsaagh ees nagÿ be-@@ewseg . lo̗l nagÿ montha-@@tatlan zegenseg . ha zol-@@gaÿlonk neko̗d ezeert . ha {59} hullatonk weert wero̗dert .
Zent labadnak kemense-@@geth . zent kezeÿdnek . o̗ . meel sebeeth . o̗lelgeto̗m aÿeta-@@tosth . reezketteto̗sth  kÿwa-@@natosth :
O bÿno̗so̗knek zereto̗ÿe . esso̗tteknek eme-@@lo̗ÿe . nem len sohol oÿl ÿo athÿa . kÿ fÿaerth magath ÿlre agÿa .
Mert en lelko̗m meg ozlatol . bÿno̗m mÿa zaggattatol :
edo̗s Iesus  te meg lassad . kegÿo̗s vrwos meg vrwosolÿad .
Ko̗ro̗zth-@@fadon kenod latom . ÿdwo̗s-@@sego̗m {60} thwled waarom .
zent weero̗dben ha megh mosdom . meg nÿwgozom ees wÿgazom .
Meel sebÿ-@@deth  kÿketh wallal . zeep weero̗deth  kÿth hullatal . en zÿwemben te meg ÿr-@@ÿad . en lelko̗meth hozzad wongÿad :
Valahanÿan hozzad ÿo̗ttek : te zent la-@@baÿdhoz estek . o̗ . bÿno̗keth mÿnd oth hattaak . koor-@@sagokbol meg thawoztak .
Im en wagÿok ko̗ro̗zthfad-@@nal . ÿm kesergo̗k zenth {61} labadnal .
ko̗ro̗ztfadrol te meg halgas . ko̗nÿo̗rwl  ees engo̗meth laas :
The kenodban bÿrwa alwa . laas zÿwemnek kÿwan-@@saga .
en zeretho̗m hozzam haÿoÿl . meg wÿgaztaÿl . ees neko̗m zoÿl .
Kerlek  neko̗m az zoth mongÿad . hogÿ bÿno̗meth megh bo-@@czattad .
kemeenÿo̗do̗th zegenÿ ÿohom . lam nem tudok halath adnom :-
Hogÿ ÿmaagÿam tero̗m-@@tometh . hogÿ zeressem {62} ze-@@reto̗meth . hogÿ fÿzessem zolgalatÿath . hogÿ halal-@@ÿam zent halalath .
Kÿ magath eerthem nagÿon adaa . halalomerth hogÿ meg hala .
de kÿ latoth oÿl zerelmeth . zo̗rnÿw halaal kÿth meg gÿo̗zo̗th :
O meÿl haznos vrwossag . hol be-@@tegnek weero̗d adaad .
ÿm o̗lellek zent kenodban . bÿ-@@no̗s walwan ees pÿrong-@@wan . le ne banÿad  haa ÿgÿ teezo̗k . mert ez mÿa ÿdwo̗zwlo̗k .
bÿno̗m mÿa {63} betegwltem . ees te elleno̗d nagÿod weettem .
Te zent weero̗d en ream hwÿlon . meg tÿztohon ees wÿgazzon .
Tereetÿ magaath [orcza-@@ÿahoz] Iesusnak orcaÿahoz mondwan . Idwo̗z== ==legÿ tÿz-@@to̗lendo̗ vram Iesus  mÿn-@@do̗n mÿa zeretendo̗ .
Teke<e>ncz engo̗m zent zo̗mo̗dwel . zÿweenth walo zerelmedwel .
de ha te zÿwedeth latom : banatomath nem mond-@@hatom .
Meg fekethwlth nap leewo̗ zÿno̗d . el thawo-@@zoth {64} eko̗ssego̗d .
wÿraag dÿzo̗d waltoztataak . zeep orcadath saar be fogtha .
Mÿndo̗n wÿlagnak wÿ-@@lagossaga . angÿeloknak kÿwansaga . el waltozoth te zepsego̗d . meg feketwlth ho leewo̗ testo̗d . Zeep or-@@cadon halaal ÿelo̗nth :-
lam epettel vtalatosth . ees meg holtaal keserwe-@@to̗sth :
O meÿl nagÿ wolt<h> te zerelmed . hol magadat ÿgÿ o̗lessed .
Nem monda-@@nam semmÿ kenom . so̗th {65} wolna nagÿ wÿgasagom . ha kenoderth kenth wal-@@hatneek . halalodert meg halhatneek :
Kerlek  ad-@@gÿad  amÿth kero̗k . twled addeeg el nem megÿo̗k .
kÿ eneertem halalra me-@@nel . kerlek  twlem tawol ne legÿ : Halalomkor fo-@@gagÿ engo̗m . legÿ fegÿwe-@@ro̗m te enneko̗m .
ha el ÿwtand en halalom . oth ÿelo̗nnÿel en ÿo waltom .
Merth az leezo̗n zo̗rnÿw ÿdo̗ . ÿgazaknak  ees felendo̗ .
{66} hath ne keessel engo̗m latnod . en lelko̗meth ol-@@talmaznod :
O zeretho̗ zeretendo̗ . mÿndon ÿonak nagÿ ÿo thewo̗ÿe .
az nagÿ vtra ha eredo̗k . egÿeb tar-@@soth nem lelheto̗k .
kerlek  neko̗m haath ÿelo̗nnÿel . Zent kenodban ne enÿeez-@@zel .
engo̗m fo̗do̗z keth ka-@@rodwal . ees oltalmaz te ko̗ro̗ztfadwal :
H<a>alaa le-@@gÿo̗n halaloderth . draga-@@latos zent kenoderth :
en ÿsteno̗m ees en waaltom . {67} mondhatatlan mÿndo̗n nagÿ ÿom :
Amen :~
Igo̗n zeep Imaadsaagh :~
Ko̗gÿelmes atÿa vr ÿs-@@ten . te ko̗zo̗tted . ees en ko̗zottem : weettem en vram-@@nak tero̗mtemnek . a te dra-@@galaatos zent fÿadnak . Iesus-@@nak krÿstusnak . kennÿanak . halaalaanak erdo̗meeth . az en eerdo̗metlen woltomeert .
Amen :~
ko̗wetko̗znek meeg ÿs ÿgo̗n zeep ÿmadsagok Idwo̗zeÿtenk-@@nek kennÿarol  halaalaarol .
{68} VRam  mÿn-@@do̗nhato isten  agÿad neko̗m zent lelo̗knek malazthÿat . Kÿ zent le-@@lo̗k vÿlagosoha meg en zÿwemeth ees en elmee-@@meth . hogÿ az te ÿo teto̗dert  kÿth en welem to̗l bÿno̗ssel . ees meltatlan zolgaddal . hogÿ ero̗ttem sok keenth zenwedeel  ees meg halal . hogÿ ez ÿo tetto̗dert . dÿczo̗-@@sego̗s zent lelo̗knek mÿatta en teneko̗d halat adhassak  {69} hogÿ tÿzta zÿwemmel . ees tÿzta akaratommal te zent halalodrol emleko̗zhessem  kÿ legÿo̗n en lelko̗mnek ÿdwo̗ssegere . ees ez vÿlagÿ eleto̗mnek ÿawara .
Amē .
URam  mÿndo̗n-@@hato ÿsten . kÿ az mondhatatlan nagÿ keent wallad ees zen-@@wedeed te zent fogsagod-@@nak ÿdeÿen . mÿ ero̗tto̗nk  bÿno̗so̗kerth . the zent keze-@@ÿdeth hatad== ==mo̗gee ko̗tho̗z-@@wen . nÿakon ko̗thwen . pÿ-@@latos {70} hazahoz wÿwen . oth sok hamossath read vadolwan tego̗deth ÿteel-@@wen halaalnak kenÿara . ees ko̗ ozlophoz ko̗to̗zwen . nagÿ marok wezzo̗kkel es kemeenÿ ostorokal te zent tagodath nagÿ kegÿo̗tlen-@@segwel zaggataak . kÿbo̗l te zent weero̗d nagÿ bew-@@segwel kÿ folÿa .
annak vtanna meg mewetwen kamokaban o̗lto̗ztetenek . ees kemeenÿ thÿwÿssel meg koronazanak . kÿwel {71} te zent feÿedeth meg sebho̗-@@teek . te dÿczo̗ weero̗d orcza-@@don alaa folÿwan .
annak vtanna zo̗mo̗deth be ko̗th-@@wen . ees tego̗d oth arcwl werwen . ees nÿalwal arcvl po̗ko̗dwen .
annak vtanna pÿlatos sÿdo== ==nepnek kezee-@@ben adwan . zo̗rnÿw halai-@@ra te nehez ko̗ro̗ztfadath . hatadra adaak : kÿnek ne-@@hessegeerth . sokzor az fo̗i-@@dre le eseel . nagÿ nehezen wÿd az zo̗rnÿw kennak helere . ees raÿta tego̗deth {72} meg fezeÿtenek . te dÿczo̗-@@sego̗s zent kezeÿdet ees la-@@baÿdat kemeenÿ was zeg-@@wel altal zegezeek .
ko̗ro̗zt-@@fanak magasagara . fo̗ld-@@twl fel emelteteel .
te zent kenod meg vÿula . dÿczo̗ sebeÿd meg nÿlanak . be-@@lo̗le te zent weero̗d kÿ folÿ-@@wan . te dÿczo̗sego̗s zenth tagÿdat ees ko̗ro̗ztfadath meg weero̗zted te zent we-@@ro̗dwel . embo̗ri ÿdwo̗ssegert .
zomehozasodat keserw epe-@@wel ees eco̗thwel ÿtatak .
{73} Te nagÿ keserwsego̗s kenod-@@ban . te zent ko̗ro̗ztfadrol . latad te zen<t>czego̗s anÿaa-@@dath  zÿz mariath .
nagÿ ke-@@serwsegwel nekÿ zolaal . nagÿ zerelmessegwel zent ÿanosnak aÿanlad anÿvl .
Annak vtanna te zenth athÿadat nagÿ fel zowal kÿ-@@altad . te zent lelko̗deth te testo̗dtwl el boczatad . the zent feÿedet tÿwÿs korona-@@ban ÿob walladra boczatad .
Annak vtanna sÿdo wÿtez te zent zÿwedet zulcaÿawal {74} altal o̗klelee . kÿbo̗l weer ees wÿz kÿ folÿa :
Amen .
URam  mÿndo̗nha-@@to ÿsten . mÿnd ez fellwl newezo̗th . kenÿdert ees halalodert ees az te zenczego̗s anÿadnak nagÿ keserwsegeert . kÿt te ero̗tted walla : meltolÿal meg halgatnod engo̗met  meltatlant ees nagÿ bÿ-@@no̗sth en ko̗nÿo̗rgeso̗mben . hogÿ az te zent fogsagod zabadoha meg en lelko̗met ees en testo̗met mÿndo̗n {75} fogsagtul .
ees az hamos ÿteletert  kÿwel tego̗d meg ÿtelenek . oltalmaz megh engo̗met hamos ÿtelettwl : ees az wezzo̗nek ees az os-@@tornak mÿatta walo keno-@@derth. oltalmaz engo̗meth en ellensego̗mnek bÿrodal-@@matwl . Ees az kamokaba<n> o̗lto̗zteteert . o̗lto̗ztes meg engo̗met zent lelo̗knek malaztÿawal :
Az te tÿwis koronadnak kenÿaert . koro-@@naz meg  vram Iesus  engo̗-@@meth menÿeÿ koronawal .
{76} Te zent zo̗meÿdnek be[ko̗] ko̗teseert . meg ne wakoh en bÿno̗mben . hogÿ lathas-@@sam vram te zent orcadat nagÿ o̗ro̗mben .
Te zenth arcwl wereso̗dert . oltal-@@mazzad meg vram e<e>n or-@@camath mÿndo̗n zeplo̗twl . hogÿ ne zegÿo̗nko̗gÿem te elo̗tted . so̗ ez wllagÿ em-@@bo̗ro̗k elo̗th .
Te zent orcad-@@nak be po̗keseert . tÿztohad meg vram en orcamath . kÿwel te elo̗dben kel men-@@no̗m .
Zent ko̗ro̗ztfadnak {77} nehessegeert . zabadeÿcz meg vram engo̗met mÿndo̗n nehesseegbo̗l mÿnd lelko̗m-@@ben  mÿnd testo̗mben .
Te zent kezednek ko̗ro̗zthfara fezwleseert . wessed te zent kezedet en segedelmemre . hogÿ mÿndo̗n o̗rdo̗gnek el-@@lene . ees mÿnd ez wÿlagÿ ellensegnek ellene oltal-@@mazzon :
Az te zent kezeÿ-@@do̗n ees zent labaÿdon walo sebeÿderth . agÿad  hogÿ mÿn-@@do̗nkoron te vtaÿdon ÿar-@@hassak .
Ez ko̗ro̗ztfaddal fo̗ld-@@ro̗l {78} fel tamaztasoderth tha-@@maz fel vram engo̗met en halalos bÿneÿmbo̗l . hogÿ en bÿneÿmert ne wezzek o̗ro̗ke .
Te zent sebeÿdnek meg nÿlasaert nÿssad meg vram en zÿwemet ees elme-@@met . hogÿ ko̗wethesselek tego̗det .
Te zent weero̗dben meg fo̗ro̗desert fo̗ro̗zzed en lelko̗met te malaztodban  hogÿ nÿerÿem te ÿrgalmas-@@sagodat :
Te zent anÿaad el aÿanlasaert . agÿad ol-@@talmwl enneko̗m az the {79} zent anÿadat  hogÿ meg ol-@@talmazzon engo̗met mÿn-@@do̗n gonoztwl . ees az pokol belÿ keserw kentol :
Az epee-@@nek ees az eco̗tnek o̗ kenÿa-@@erth . kÿwel te zomesagodat ÿtataak . en halalomnak ÿdeÿen eetes engo̗meth te zent testo̗dwel . ees ÿtas te zent weero̗dwel : kÿ legÿo̗n en lelko̗mnek ÿdwo̗ssegere .
Te zent kÿaltasodert vram kÿalcz hozzad engo̗met .
Az te zent lelko̗dnek testo̗dtwl kÿ boczatasodert agÿ ÿdwo̗s-@@sego̗s {80} halalth enneko̗m .
Te zent feÿed tÿwÿs koronad-@@ban ÿob walladra boczata-@@sodert haÿcz en hozzam the kegÿo̗sÿ feÿedeth . hogÿ en el-@@lensego̗m  pokolbelÿ o̗rdo̗g  tawozzek el twlem .
Te zent halotaÿdbol fel tamadaso-@@dert . tamaz fel engo̗meth az o̗ro̗k eletre . ees nagÿ wi-@@lagossagra .
Te zent menÿ-@@ben meneto̗dert . helho̗ztes engo̗met te zent orzagod-@@ban . holoth zo̗netlen ees wegezetlen dÿczo̗segh ees {81} o̗ro̗m wagÿon . Te zent ne-@@wednek dÿcziretÿre .
dÿczo̗-@@seg atÿanak ees fÿwnak ees kegÿo̗s zent lelo̗knek 
Amen .
Legÿo̗n :~
Ez ÿmaadsaag ÿs . wa-@@gÿon ÿdwo̗zeÿtenk krÿs-@@tus Iesusrol  kÿ ÿgo̗n seep ees ÿgo̗n aÿeetatos .~
O Vram  Iesus kristus  o̗ro̗k dÿczo̗segnek kÿralÿa . ez wÿ-@@lagnak meg waltoÿa . kÿ mÿ meg waltasonkerth {82} ko̗ro̗ztnek kennÿat aka-@@rad fel wenno̗d . ees mÿn-@@keth setetsegnek hatal-@@mabol meg waltanod . Es te esmereto̗dnek welagos-@@sagara hoznod meltolta-@@tal .
kerlek  wÿlagosoÿczad meg en zÿwemnek setet-@@segeÿth . hogÿ esmerÿelek meg tego̗d  en ÿdwo̗zeÿto̗ ÿsteno̗met . Ees te hozzad hÿtnek ees ero̗s remen-@@segnek . ees to̗kelleto̗s is-@@tenÿ zeretetnek mÿatta ragazkodÿam . Ees hogÿ {83} esmerÿem meg magamat ees en nÿawalassagomat . Ees bÿzonsagwal te zÿno̗d eloth alazatos legÿek .
Ees az te tÿzta ees zent feelel-@@medben . ees az te zolga-@@latodban mÿnd en eele-@@to̗mnek wegezetÿglen . aÿetatossagwal meg ma-@@ragÿak :
Uram  Iesus kri-@@stus  te tudod az en be me-@@neso̗met . elo̗we meneso̗-@@meth . ees en kÿ ÿo̗wesom-@@eth .
ÿgazgas engo̗met az te bÿzonsagodban . ees bo- {84} boczassad meg mÿnd en bÿneÿmeth ees en fogÿat-@@kozasÿmat . kÿknek miatta en nawalias  en meltat-@@lan bÿno̗s . en ÿffÿwsagÿ-@@mnak napÿtwl fogwan ez oraÿglan meg serto̗ttem te kegÿo̗ssegodet ees irgal-@@massagodat .
Az en alnok-@@sagÿm felÿwl ÿarak en fe-@@ÿemeth . ees ÿgo̗n meg ha-@@talmazanak en raÿtam .
Ees az pokol meg tataa az . o̗ . meelsegeth . hogÿ el nÿelÿo̗n engo̗met :
Az go-@@nossagos {85} ellensego̗k mÿ-@@nd napestÿg ellenko̗dnek neko̗m . mondwan . Isten el hatta o̗teth . kero̗nges-@@sok ees fogÿok meg o̗teth . az mÿ czalardsagÿnknak mÿatta .
No azert vram Iesus  ero̗s ees hÿw oltal-@@mazom ees sego̗delmem . tekencz ala menÿorzag-@@bol . ees lassad az o̗ alnok-@@sagokath . ees az en gÿar-@@losagomath . Mert por es hamw wagok :
Tegÿed azt  hogÿ en gÿo̗zhessem {86} meg az ag ellensegnek kesertetÿth . Testnek bÿ-@@neÿth . ees ez wÿlagnak artalmas hÿzo̗lko̗desÿth .
Ees az te zent kenodnak mÿatta . ees az zÿz maria-@@nak esedo̗zese mÿath . bo-@@czassad meg mÿndo̗n bÿ-@@neÿmet :
Tegÿed vram isten . hogÿ wehessek lelko̗t az te ÿrgalmassagodnak welagossagaban . hogÿ ÿt ees mÿnd o̗ro̗ke tego̗d en ÿdwo̗zeÿto̗ isteno̗met . lat-@@hassalak . zerethesselek . {87} mÿnd az sok zentho̗kwel . ees walaztottakwal egÿe-@@to̗mben . Kÿ athÿa isten-@@nel ees zent lelo̗kwel elz . ees orzaglaz mÿnd o̗ro̗-@@kwl o̗ro̗kee .
Amen :~
{88} Kezdetnek ÿmar azzon-@@nÿonk zÿz marianak o̗th epesegÿro̗l walo ÿmadsa-@@gok . kÿket ha walakÿ aÿe-@@tatossagwal meg olwassa . nagÿ bwczuÿat ees erdo̗-@@meth weesÿ . o̗ . zent fÿatwl .
Elso̗ ÿmaadsaagh :~ O Maria  mÿn-@@do̗n embo̗ro̗k-@@nek ees isten-@@nek ko̗zben ÿa-@@roÿa . ÿrgalmassagnak kwt feÿe . fogÿatatlan kÿo̗twen malaztnak bewsego̗s vÿw-@@lasath .
{89} Maria  Iesusnak edo̗ssego̗s annÿa  kerlek tego̗d az epesego̗dert  kÿt wallal  awagÿ zenwedeel . te kegÿo̗s zÿwedben . akor . mÿkoron zent wen Sime-@@on . proffetalwan . neko̗d mondotta== ==wala . The lel-@@ko̗det to̗r altal ÿarÿa :
kerlek azon tegodeth az-@@zonÿom . hogÿ kerÿed azon te aldoth fÿadath . hogÿ . azon te epesego̗derth . az o̗ . bewsego̗s kegÿo̗ssegebo̗l . agÿa neko̗m mÿndo̗nne-@@mw {90} bÿneÿmnek boczana-@@tÿat . ees zabadohon meg engo̗met  o̗ meltatlan zolgaÿat . mÿndo̗n gonos-@@sagoktwl . el mwltaktwl . ÿelo̗n waloktwl . ees [ÿelo] ÿo̗wendo̗ktwl .
Amen :~
Masod ÿmadsagh ez : O Maria  mÿndo̗n embo̗ro̗knek se-@@go̗delme ees be-@@ko̗seg zo̗rzo̗ÿe . kerlek tego̗-@@deth  ees onzollak . menÿor-@@zagnak dragalatos zepse-@@gw kÿralne azzonÿa .
Az {91} keserwsego̗s haborwsagod- mÿath . kÿth wallal te kegÿo̗-@@ssego̗s zÿwedben . mÿkoron te zeretho̗ ffÿadath harm-@@adnapÿg el wezto̗tted wa-@@la . hogÿ kerÿed o̗teth . hogÿ . o̗ . azon te haborwsagod== ==mi@@ath agÿon enneko̗m olÿ to̗kelleto̗ssego̗th ees bÿzon zerelmeth . hogÿ az zerel-@@mel menÿeÿ sekben anne erdo̗mo̗th walÿak . hogÿ ha sok eztendeÿglen nekÿ mÿndo̗nnemw to̗kelleto̗s-@@segwel zolgaltam wolna :
{92} Harmad ÿmadsag : O Maria  bete-@@go̗knek gÿogÿe-@@toÿa . ees meg sebho̗ttek-@@nek haznalatos vrwosa . tego̗d kerlek  dÿczo̗sego̗s azzonÿom az te haborw-@@sagod mÿath  kÿth wallal te kegÿo̗ssegw zÿwedben . mÿkoron kegÿo̗tlen sÿdok . te aldot kÿwanatos eget-@@len egÿ fÿadat meg fogak ees meg tartak . kÿro̗l meg esmerted wala lelo̗kben . ees tudod wala . hogÿ akar-@@na {93} ees kellene kenth zen-@@wednÿ . ees megh halnÿ embo̗ri nemzetert 
kerÿed azzonÿom azon te aldoth fÿadath . ez wÿlagnak be-@@kelteto̗ÿeth . hogÿ . o̗ . azon te haborwsagod== ==mÿat . en-@@go̗meth . testo̗mnek ees lelko̗mnek mÿndo̗n ha-@@borwsagabol : fogsagabol . ees mÿndo̗n wezo̗delmibo̗l . egÿeto̗mben mÿnd en zw-@@leÿmmel : atÿamfÿaÿwal ees mÿnd rakonsagÿmal . baratÿmmal ees {94} ellense-@@gÿmmel o̗zwen . kegÿo̗ssen meg zabadohon . ees mÿn-@@do̗n gonozoktwl oltal-@@mazzon o̗ro̗kwl o̗ro̗ke .
am̄ .
Negÿed ÿmadsag ÿmar : O Maria . wakok-@@nak wilagoseÿ-@@toÿa . ees ÿdwo̗sse-@@go̗s malaztnak zo̗wetne-@@ke . tego̗det kerlek  en zerel-@@mes azzonÿom ÿstennek zent annÿa . az te haborw-@@sagod== ==mÿath . kÿth wallal . te zenczego̗s zÿwedben . a-@@zerth  hogÿ egÿetlen egÿ {95} zeretho̗ fÿad  Iesus . az ke-@@menÿ sÿdoktwl . hegÿo̗s was zegekwel . mÿndo̗n ÿrgal-@@massag== ==nekwl . ko̗ro̗ztfa-@@nak eleweneto̗s faÿahoz . zegezteteek . hogÿ nÿerÿed neko̗m azon te zerelmeto̗s fÿadtwl . ees azon te habo-@@rwsagodert . bÿzon zerelm-@@nek thwzeeth . hogÿ az o̗ zerelmenek ees ken zenwe-@@desenek thwzewel megh gÿwha en zÿwemet . kÿ tw-@@zeth az felsego̗s pap  kristus Iesus eeltesse ees meg go̗r-@@ÿezze . {96} o̗ . keserw kenÿanak emleko̗zetÿre . hogÿ azon o̗n-@@no̗n kenÿat soha el ne fe-@@legÿem .
ees ha nagÿ koor-@@sagert . awagÿ egÿebnemw oknak meg bantasaerth . meg nem emleko̗zhetnem . o̗ kenÿarol . de maga o̗ . sok ÿrgalmassaganak mÿatta . anne erdo̗mo̗t wallÿak menÿorzagban . hogÿ ha mÿndo̗n naponnan meg wegeztem wolna mÿndo̗n orakat . o̗ . zenczego̗s kenÿa-@@nak emleko̗zetÿben .
Amē :
{97} o̗to̗d ÿmadsag  O Maria  bÿno̗sso̗k-@@nek ÿdwo̗ssege . kÿketh karhozatos bÿnnek nehessege meg nÿomoreÿ-toth . ees az mÿ nÿawalas-@@sagonknak wege 
maria . tegod kerlek ez wilagnak tÿzto̗ssego̗s azzonÿa : az mondhatatlan nagÿ kese-@@rwsego̗derth . kÿth wallal te kego̗ssegw zÿwedben . az oraban . mÿkoron the zenczego̗s fÿad . mÿndo̗n hÿw ko̗ro̗ztÿeno̗knek {98} zeret-@@teto̗s . az ko̗roztfarol le we-@@tetwen . meg vÿwlth sebo̗-@@kel . ees tulaÿdon o̗nno̗n zent werewel meg wero̗-@@swlwen . adatek Ioseftwl te zÿzessego̗s o̗ledben .
ker-@@ÿed azzonÿom tenno̗n fÿ-@@adath . kÿ mÿndo̗no̗knek wÿgasaganak koronaÿa menÿeÿ sekben . hogÿ . o̗ . azon te haborwsagoderth meltolkogÿek engo̗m e-@@lo̗l wennÿ . o̗ . bewsego̗s malazthÿawal . ees . o̗ . bew-@@sego̗s ÿrgalmassagawal . {99} ees hogÿ en testo̗met ees lelko̗meth . te oltalmadnak alaÿa meltolkogÿek hagÿ-@@nÿ : ees te kegÿo̗s ÿrgalmas-@@sagodnak kebeleben hel-@@ho̗ztetnÿ . kÿth . mÿndo̗n a-@@ÿetatoson kero̗knek meg nÿcz o̗ro̗ke .
Tego̗det kerlek vgÿan azon te megh feÿe-@@rwlth ees werhenÿwlth [i] zereto̗ fÿadnak mÿattha . kÿ leen mÿndo̗n te bodogsa-@@godnak kencze . kÿth te gÿen-@@gesegw o̗ledben . twlaÿdon tenno̗n emlo̗ddel emleteel .
{100} o̗ nala meltolkogÿal ese-@@do̗zno̗d en ero̗ttem . hogÿ te ÿrgalmassagodnak ha-@@lath adhassak o̗ro̗kwl o̗ro̗-@@kee .
Amen :~
ko̗wetko̗zÿk ÿmar mas ÿmadsag azzonÿonk zÿz marianak tÿzto̗ssegere : embo̗rnek vtolso oraÿa-@@rol walo : O Zencze-@@go̗s azzonÿ . o dÿ-@@czo̗sego̗s . o kegÿo̗s-@@sego̗s czillaga tengo̗rnek mÿndo̗nkoron zÿz maria . ne hagÿ el engo̗met  nÿa-@@walas {101} bÿno̗sth en halalom-@@nak ÿdeÿn . ees az keserwes oran  mÿdo̗n halalnak mÿ-@@atta en nÿelwemet nem ÿndoÿthatom te newedet kÿaltanom . ees en zo̗me-@@ÿmel nem ne<e>zheto̗k . ees en fÿleÿmel zozatoth nem halhatok .
Emleko̗zÿel ako-@@ron  kegÿo̗ssego̗s anÿa  az ÿmadsagokrol . kÿket mas-@@tan mondok te kegÿo̗sse-@@go̗s fÿleÿdben . ees segeÿl enneko̗m az vtolso zÿkse-@@go̗mnek oraÿan : {102} ees zabadoh meg engo̗m-@@eth akoron mÿndo̗n gonoz-@@twl . ees kegÿo̗tlensegnek o̗ zolgaÿtol .
Vÿgÿ engo̗m-@@eth hÿedelmnek helere . ees wÿgasagos beko̗segnek nÿw-@@golmara  hol en o̗ro̗kee al-@@gÿam Iesus kristusth  te me-@@hednek aldoth gÿwmo̗lczet 
Amen :
Mas ÿmadsagh ÿgo̗n seep . ees ÿgo̗n nagÿ bw<l>czws . azzonÿonk zÿz ma-@@riarol walo : O Bo-@@dogsagos la<a>bak  kÿk wiseleek o̗ro̗k {103} wÿlagnak kÿralÿath :
O bo̗lczesegnek mehe . kÿben rekezteto̗th== ==wala az felse-@@go̗s vr isten .
O bodog em-@@lo̗k . kÿket emeek atÿanak bo̗lczesege .
O bodogsagos karok . kÿk wiseleek aldoth istennek zent fÿath .
O zent-@@czego̗s aÿakak  kÿk czokol-@@gatak istennek egÿetlen egÿ fÿat .
O bodogsagos zent zo̗mo̗k  kÿk neezeek istennek orczaÿath .
O mÿndo̗no̗stwl bodogsagos zÿz maria . segelÿ engo̗m  nÿawalas bÿno̗sth .
. Amen .
{104} Valakÿ ez alaaÿrth ÿmad-@@gokath harmÿc napÿg aÿetatoson mondandÿa . zentsego̗s kenÿanak vronk Iesus kristusnak tÿzto̗sse-@@ere : ees bodog zÿz ma-@@rianak  o̗ annÿanak tÿz-@@to̗ssegere : Valamÿt meel-@@tooth keerend . ketseeg== ==ne-@@kwl meg nÿerÿ : kÿth gÿa-@@kortha istenfeelo̗k ÿelo̗s bÿzonsagwal meg keeseer-@@to̗ttek 
ZEnt ma-@@ria . o̗ro̗k zÿzeknek zÿze . ÿrgalmassag- {105} annÿa . malaztnak an-@@nÿa . mÿndo̗n el hagÿoth-@@taknak remeenseege . mÿn-@@do̗n kethseegben eso̗tteknek wÿgaztaloÿa . az baanath-@@nak tho̗reen . kÿ te lelko̗det altal folÿaa . mÿkor te e-@@gÿetlen egÿ fÿad . mÿ vronk Iesus kristus halaalnak kennÿath zenwedÿ wala . az ko̗ro̗ztfaan : Ees az ffÿ-@@wÿ zereteto̗n . {ó105} kÿwel {105} o̗ te anÿaÿ banatodon ko̗nÿo̗-@@rwlween egeezlenseegwel walo . o̗ . zeretho̗ wÿkarÿos-@@saanak  {106} zent ÿanosnak te-@@go̗deth . hozzaad laataasaa-@@ra aÿanla : keserwlÿ . ko̗nÿo̗-@@rwlÿ .
legÿ tanaalcz  keerlek . en zomorosagomnak . elle-@@no̗m walosaagnak : koorsa-@@gomnak . zeegeenseego̗m-@@nek . zorgalmatossaagom-@@nak : ees en mÿndo̗nnemw zwkseego̗mnek :
O nawa-@@lÿaasoknak ÿrgalmazoÿa . nawalÿoltaknak eedo̗s wÿ-@@gaztaloÿa : ees ÿrgalmas saagoknak annÿa . el hagÿ-@@ottaknak kegÿo̗sseego̗s {107} wÿ-@@gaztaloÿa . ees mÿndo̗n ne-@@mw zÿkseegben aarwaak-@@nak keez segeeÿtho̗ÿe . Hal-@@gasd meg en ÿmadsaago-@@math . ees tekeenczed en aarwasaagomath : aarwa-@@saagomnak nÿo̗geeseeth : ees nawalÿaassaagomnak ko̗nÿwhullataasaath :
Ees mert nagÿ sok gonozba . ees zomorosaagba . en bÿneÿm-@@eerth wettettem . nem tw-@@dom  kÿho̗z fwtamÿam . ha- nem te hozzaad . en edo̗ssee-@@go̗s azzonÿomhoz  zÿz {108} ma-@@riahoz . mÿ vronk Iesus krÿ-@@stusnak zÿleÿeeho̗z . mÿ em-@@bo̗rseego̗nknek hasonlatos-@@saahoz . ees eegÿenlo̗ÿeeho̗z . ees meg wÿgaztaloÿaahoz .
Azeert te kegÿo̗sseego̗dnek fÿleÿth . awagÿ te zokoth ÿr-@@galmassaagodnak : en ÿmad-@@saagomhoz ko̗gÿelmesen haÿczad :
Az te ÿrgalmas-@@saagos fÿadnak o̗ nagÿ ko̗-@@gÿelmeesseegeen . az edo̗sse-@@geen . kÿth akor mwtatha . mÿkor embo̗rÿ nemzeto̗th hozzaa o̗lelee . hogÿ {109} megh to̗keelleneeÿe .
athÿaawal egÿbe ees zent leelo̗kwel : gÿarlo testo̗th mÿ ÿdwo̗s-@@seego̗nkerth reaÿa fogadnÿ . ees angÿalÿ ko̗zo̗nethwel . ees zent leelo̗knek meg ar-@@nÿekozaasaawal te twled  kegÿo̗ssego̗s zÿz maria  tes-@@to̗th fogada :
ees kÿlencz ho-@@nappaa te zentseego̗s mee-@@hedben be rekedween . isten ees embo̗r wÿselteteek .
ees kÿlencz honap el mwlwan . zent leelo̗k mÿwelko̗desee-@@nek mÿatta . te zÿzesseego̗s {110} meehednek dÿczo̗seego̗s pa-@@lotaaÿabool kÿ ÿo̗ween . nem vtaalaa meg laatogatnÿ ez wÿlagoth :
az zomorosa-@@gon . kÿth azon te fÿad . vronk Iesus kristus zenwede . mÿ-@@korth olÿwethÿ hegÿeen . atthÿath ÿmadaa . hogÿ ha leehetne  el meenne . o̗ . ken-@@nÿanak pohaara o̗ roola .
Az o̗ harom ÿmadsagan . ees az zomoro vtanna ÿa-@@rasodon . mÿkort o̗ vtan-@@na meegÿ wala nagÿ sÿras-@@wal . az o̗ kennÿanak ees {111} halaalanak kegÿo̗tlen nee-@@zeeseere : Az zeegÿo̗no̗ko̗n . hagÿapaasokon . nÿak ka-@@paasokon . meg mewetee-@@so̗ko̗n . hamÿs== ==waadolaaso-@@kon . ees hamÿs ÿteeleeso̗-@@so̗ko̗n : Az rwhaÿaan . nÿ-@@lon ees ÿateekon meg nÿer-@@teen . az ko̗thelo̗n . ees . o̗ . os-@@torÿn . az haaromzor walo ko̗nÿwhullataasÿn . az o̗ weero̗s wereeteekeenek czo̗p-@@pÿn . az . o̗ . beeko̗seegeen ees halgataasaan . az o̗ feelel-@@meÿen . ees bwsolaasaan . {112} ees o̗ zÿweenek zomoro-@@saagan :
Az o̗ zeegÿo̗nen  kÿth zenwede . mÿkort meg mezeeÿteleno̗ÿteteek az ko̗ro̗ztfaan . ees te elo̗tted  kegÿo̗sseego̗s zÿz maria . ees mÿnd az ko̗z neep e-@@lo̗th fÿgge :
Az o̗ kÿralÿ feÿeen . naaddal meg gÿa-@@laaztatotton . az . o̗ . tÿwÿs koronaÿan . az o̗ zomeh-@@saagan . ees meero̗ggel egÿelwlth eco̗tnek koos-@@tolaasan .
az o̗ cwcaÿan . kÿ o̗ zentseego̗s oldalaban {113} be gÿaktateek .
Az weero̗n ees wÿzo̗n . kÿk o̗ zentsego̗s oldalaabool kÿ folÿaanak . ees ÿrgalmassaagoth ees malaztoth mÿ reÿaank beewseeggel o̗tteenek :
Az was zeegeko̗n . kÿk . o̗ . kezeÿ-@@ben . ees laabaÿban be we-@@rettetheenek .
az . o̗ . aÿaan-@@laasan . kÿwel . o̗ . atthÿaa-@@nak . az . o̗ . draagalaatos lelkeeth aÿanlaa :
Az . o̗ . eedo̗sseego̗s lelkeen . kÿth nagÿ ero̗s ÿwo̗lteessel ÿwo̗lthween . helÿ . heelÿ . {114} lama azabathaanÿ .
ees feÿe le haÿthwaan . kÿ bo-@@czaatha o̗ zent lelkeeth . mondwan . mÿnd be te-@@lÿeso̗do̗th :
Az swporlah-@@nak zakadozaasan az templomban . ees az ko̗-@@nek hasadozaasan . az nap-@@nak ees hodnak meg ho-@@maalÿosodaasan . az . o̗ . ÿrgalmassaagan  kÿt az latorral tho̗n .
Az . o̗ . ko̗-@@ro̗zthfaaÿan . ees keen wallaasan . az o̗ halaa-@@lan . ees el temeteeseen .
{115} Az o̗ poklokra zallaasan . mÿnd az lelko̗ko̗n . kÿket az o̗ meg latogatasanak oda meneseewel meg wÿ-@@gaztala .
Az wÿgasaagon . ees dÿadalmon . ees o̗ fel tamadaasanak dÿczo̗see-@@geen . ees az . o̗ . meg ÿelo̗ne-@@seen . kÿwel neegÿwen na-@@pÿg o̗ fel thamadaasa w-@@than . teneko̗d  mÿndo̗no̗k-@@nek elo̗tte waalaztatoth zÿz maria . ees aposthalÿ-@@nak . ees egÿeb waalaztat-@@thaÿnak meg ÿelo̗neek .
Az {116} o̗ dÿczo̗seego̗s meenÿbe meeneeseen . kÿwel tene-@@ko̗d  dÿczo̗seego̗s zÿz . ees o̗nekÿk neezeeso̗kre . menÿ-@@be fel emelko̗deek .
Az wÿ-@@gaztalo zent leelo̗knek malazthÿan . kÿth tanÿt-@@wanÿnak zÿweÿben tÿzes nÿelwekben be o̗tte . ees . o̗. mÿattok mÿnd ez wÿlag zeerthe . hozzan ees [ees l] zeelo̗so̗n kÿ terÿezte .
Az ÿteeletnek reetteneto̗s napÿan . mÿkoron el ÿo̗-@@wendo̗ meg ÿtelnÿ eelo̗ket {117} ees holtakath . ees ez wÿ-@@laagoth thwz mÿa .
Mÿnd ez o̗ epeseegen te weled ez wÿlaagon  kÿth ko̗zle .
az o̗ apolaasÿnak edo̗sse-@@geen . az mondhatatlan nagÿ o̗ro̗medo̗n . kÿwel fel weeteteel az te fÿadnak eleÿben . hol o̗rwlz . ees or-@@zaaglaz weeg== ==nekwl .
wÿ-@@gaztald meg en zÿwemet . ees halgas meg en keeree-@@so̗mbe . kÿerth teego̗d nagÿ alaazatoson . ees aÿetatoson mastan ÿmaadlak :
{118} Ith keerÿed  mÿth akarz .
Ismegh kezded ez alaa ÿrth ÿmaadsaagoth :~
EEs mÿkeeppen bÿzonÿos wagÿok  hogÿ az te fÿad semmÿth neko̗d nem ta-@@gadwaan . teego̗d thÿzto̗l . azon zerenth ero̗zÿem . ko̗nnÿebben . hamarban . ees to̗keelleto̗sben . te zent-@@seego̗s segeeÿthsego̗deth . ees wÿgaztalaasodath .
az ÿrgalmassaagos te zÿwed-@@nek . o̗ . eedo̗sseege zeerent . {119} ees az te eedo̗ssego̗s fÿad-@@nak akarathÿa zeerenth . kÿwel keereeso̗keth meg addÿa . o̗ . feelo̗ÿnek . ees . o̗. benne gÿo̗nÿo̗rko̗do̗knek . az . o̗ . zÿwo̗knek keereese- zerenth . ees az en zÿksee-@@go̗m zerent .
ezo̗kben . ees mÿndo̗n ÿgÿekben . kÿk-@@eerth alaazatoson . the zentsego̗s newedet ÿma-@@dom . ees te segeedsego̗det keero̗m . hogÿ nÿerÿed ne-@@ko̗m az te eedo̗sseego̗s fÿ-@@adnaal . ko̗ro̗ztÿen hÿtben {120} ero̗s remeenseego̗th . ees to̗keelleto̗s zereteto̗th . zÿw-@@nek ÿgaz to̗redelmeeth . sÿ-@@ralmnak kwthfeÿeeth . tÿz-@@ta gÿonaasth . meelto ees zentseego̗s eeleeg teetelth . ees zo̗netlen walo o̗rÿzeto̗t bÿntwl . ees ez wÿlagnak meg vthaalaasath . Istennek ees ko̗zelo̗mnek zerettetith . az eedo̗sseego̗s te fÿadnak ostorÿth . en fo̗rto̗zeto̗ssee-@@go̗s testo̗mbe . beeko̗seeggel zenwednÿ : ÿgaz beeko̗see-@@go̗th . mÿndon nÿawalÿaa-@@kra . {121} ees wezo̗delmre . kÿket te fÿadnak o̗ zeretetÿerth kelletÿk zenwedno̗m .
meeg halaalth ÿs . ha zÿkseegh leezo̗n .
en fogadaasÿmnak be to̗lteeseeth . ÿo mÿwel-@@ko̗deto̗kben zo̗nethlen meg maradasth . thwlaÿ-@@don en akaratomnak meg o̗leeseeth . teneko̗d kelle-@@meto̗s nÿaaÿaskodasth . bo-@@dog halaalth : ees en eele-@@to̗mnek vtolso horaÿan . bwzgo penÿtencÿath . ees ÿo ertelmo̗mnek egeez {122} woltaath . zolaaswal . ees en zÿleÿmnek lelkÿnek . athÿaamfÿaÿnak . ees hw-@@gaÿmnak . ees mÿndo̗n ÿol theewo̗ÿmnek . elewe-@@no̗knek ees holtaknak . o̗ro̗k eeleto̗th :
Amen :~
Bodog azzonnak walo aÿaanlas  O En az-@@zonÿom  Zenth maria . en ma-@@gamath te aldoth hÿthe-@@lo̗dre . ees zo̗netlen walo o̗rÿzeeso̗dben . ees te ÿrgal-@@massaagodnak kebeleeben . tarcz meg {123} en-@@go̗meth . ees en meg halaa-@@somnak oraaÿath . ees mÿn-@@do̗n mÿwelko̗deto̗met .
ees keerlek teego̗deth . hogÿ tarcz meg engo̗meth bÿno̗kbo̗l . gonoz to̗rteeneto̗kbo̗l . mÿn-@@do̗n embo̗rÿ zo̗meero̗mtwl . reetteneto̗s haragtool . fo̗r-@@to̗zeto̗s gondolatoktool . ees mÿndo̗n halaalos bÿntwl . hÿrtelen . ees elo̗l meg nem laatoth halaaltool . leelo̗k-@@nek . ees testnek . ees tÿzto̗s-@@seego̗mnek . ees en ÿozaa-@@gÿmnak mÿndo̗n wezo̗del-@@meeto̗l .
{124} ees ne engegÿed neko̗m walamÿkoron olÿ bÿnth teenno̗m . kÿ mÿath te malaztodat el wezessem .
Adÿ neeko̗m el mwltakrol meg gÿogÿwlaasth . mas-@@tan walokrol o̗rÿzetho̗th . ees ÿo̗wendo̗kro̗l okosko-@@daasth :
Adÿ en neko̗m ez wÿlaagon keez segeÿthsee-@@go̗th .
Leegÿ en neko̗m . az reetteneto̗s ÿteeleto̗n . zozo-@@loom . te fÿadnaal . mÿ w-@@ronk Iesus krÿsthwsnaal .
Amen :
Anthÿffona :~
{125} Te oltalmad alaa fwtamonk  istennek zÿz annÿa .
mÿ kö-@@nÿo̗rgeeso̗nketh ne vtaalÿad mÿ zÿkseegÿnkben . de mÿn-@@do̗n wezo̗delmektwl zabadeÿcz meg mÿnketh . mÿndo̗nha dÿczo̗seego̗s ees aldoth zÿz :~
wers Mÿndo̗n nÿomorosaa-@@gonkban . ees zomorosaagonk-@@ban . Segeelÿ neko̗nk bodogh-@@saagos zÿz maria :
Imadsag .
Otalmazÿad  vram  te zolgaÿdath . beeko̗seeg-@@nek sego̗delmeÿwel : ees boo-@@dog marianak  o̗ro̗k zÿznek {126} oltalmaaban bÿztakath :
mÿndo̗n ellenseego̗kthwl thegÿed baatrokkaa : mÿ vronk krÿstusnak mÿatta 
Amen :~
Letanÿa :~
Kÿri== ==eleison : Kriste- eleÿson . Kÿri== ==eleÿ-@@son .
Kristus  hal-@@gas meg engo̗met 
Menÿeÿ athÿa ÿsten : ÿrgalmaz en-@@neko̗m 
Zent fÿw isten  ez wÿlagnak meg waaltoÿa . ÿrgalmaz enneko̗m 
Zenth leelo̗k ÿsten . ez wilagnak meg wÿlagoseÿtoÿa . Irgal-@@maz {127} enneko̗m 
Zento̗knek istene . Irgalmaz enneko̗m .
Zent haaromsaag egÿ isten . Irgalmaz enneko̗m 
Ez wÿlag-@@nak meg waltoÿa . Irgalmaz :
Zent maria : Imaagÿ ero̗ttem .
Istennek zent annÿa . Imagÿ .
Zÿzeknek zÿze . Imagÿ ero̗ttē :
Zent Mihal . Imagÿ ero̗ttem .
Zent Gabriel . Imagÿ ero̗ttem .
Zent Raffael . Imagÿ . eero̗t .
Zent Vrÿel . Imaagÿ ero̗ttem .
Mÿnd zent Angÿalok . ees Ar-@@kangÿalok . Imagÿatok ero̗ttem .
Mÿnd menÿeÿ zent palogarok . {128} Imaagÿatok ero̗ttem .
Zent Ianos baptÿsta . Imaagÿ ero̗ :
Zent Abraham . Imaagÿ e .
Zent Isaak . Imagÿ eero̗ttem .
Zent Iacob . Imagÿ eero̗ttem .
Mÿnd zent patrÿarkak . ees profetaak . Imagÿatok ero̗ttem .
Zent Peto̗r . Imagÿ ero̗ttem 
Zent Paal . Imaagÿ ero̗ttem 
Zent Andras . Imagÿ ero̗ttem .
Zent Iakab . Imagÿ ero̗ttem .
Zent Ianos ewangelÿsta . Im .
Zent Iakab . Zent fÿlo̗p . I .
Zent Thamaas . Imaagÿ e .
Zent Bertalam . Imaagÿ e .
{129} Zent Mathee . Imagÿ ero̗t .
Zent Sÿmon . Imagÿ ero̗t .
Zent Thadeus . Imagÿ ero̗t .
Zent Maathÿas . Imagÿ e .
Zent Borbaas . Imagÿ ero̗t .
Zent Lwkaacz . lmagÿ ero̗t .
Zent Maark . Imagÿ ero̗ttem .
Mÿnd zent apostolok . ees ee-@@wangÿelÿstak . Imagÿatok er .
Istennek mÿnd zent thanet-@@waanÿ . Imaagÿatok eero̗ttem .
Zent Istwan prothomartÿr . I .
Zent Lo̗rÿncz . Imaagÿ ero̗t .
Zent wÿnce . Imagÿ ero̗ttem .
Zent Gÿo̗rgh . Imagÿ ero̗ttem 
{130} Zent Albeerth . Imaagÿ e .
Zent Balaas . Imaagÿ e .
Zent Do̗mo̗to̗r . Imaagÿ e .
Zent Gelerd . Imadÿ ero̗ttē .
Zent fabÿan . Sebo̗stÿen :- Imadÿatok eero̗ttem .
Zent kozma  Damÿan . I .
Zent Dÿeno̗s . Imagÿ ee :
Mÿnd zent martÿrok . Im .
Mÿnd zent Artatlanok . I .
Zent Silwester . Imadÿ ee .
Zent Gergo̗l . Imaagÿ ee .
Zent Marton . Imagÿ ee .
Zent Mÿkloos . Imagÿ ee .
ent Bo̗ro̗czk . Imaagÿ e .
{131} Zent Gracÿanos . Imadÿ e .
Zent Paal remo̗the . Ima .
Zent Anthal . Imagÿ eero̗t .
Zent Amborws . Imaagÿ e .
Zent Iheeronÿmws . Ima .
Zent Istwan kÿral . Imagÿ 
Zent Lazlo kÿral . Imagÿ .
Zent Imro̗ herczeg . Imagÿ e .
Zent Elek . Imagÿ eero̗ttem .
Zent Benedo̗k . Imaagÿ eero̗ .
Zent Egÿo̗d . Imaagÿ eero̗t .
Zent Damokos . I .
Zent ferencz . I :
Zent Gaal . Imaagÿ ero̗ttem .
Zent Oswald kÿral . Imagÿ .
Zent Sÿgmond kÿral . Imaa .
{132} Zent Kaaspar kÿral : Imagÿ 
Zent Balthasar kÿral . Ima .
Zent Melkÿor kÿral . ÿmagÿ 
Mÿnd zent Konfessorok . I .
Mÿnd zent papaak : ees pÿs-@@po̗ko̗k : ees doktorok . Imagÿato<k> 
Mÿnd zent remo̗theek . ees baraatok . Imaagÿatok ero̗ttem .
Mÿnd zent papok . ees fel pa-@@pok . I .
Mÿnd zent kÿralok . Im .
Zent Anna azzonÿ . Imagÿ .
Zent Maria magdalna azzon . I .
Zent Martha azzonÿ . Imagÿ :
Zent katherÿna . Imagÿ ero̗t 
Zent Benÿgna . Imagÿ ero̗ttem .
{133} Zent Margÿth . Imagÿ ero̗t .
Zent Agnes . Imagÿ ero̗ttē .
Zent Agotha . Imaagÿ eero̗ .
Zens Lwcza . Imagÿ ero̗ttem .
Zent Cÿco̗le . Imagÿ ero̗ttem .
Zent Borbaala . Imagÿ ero̗t 
Zent Dorothÿa . Imagÿ ero̗t 
Zent Appalÿn . Imagÿ ero̗t 
Zent kolos . Zent prÿsca . I .
Zent neste . I .
Zent Vrsula . I .
Zent krÿstÿna . Imaagÿ ero̗ .
Zent Ewfrosÿna . Imaagÿ e .
Zent Ersebo̗th . Imaagÿ ee .
ent Ilona . Imagÿ ero̗ttem .
Zent Affra . I .
Zent Soffÿa . I .
{134} Zent Maria egÿpciaka . I .
Zent Wernÿke . Imaagÿ e .
Mÿnd zent zÿzek . Imagÿatok 
Mÿnd zent haazasok . ees o̗zwegÿo̗k . Imagÿatok ero̗ttē .
Istennek mÿnd dÿczo̗see-@@go̗s zenthÿ . Imagÿatok eero̗t .
Leegÿ ÿrgalmas vram en-@@neko̗m  bÿno̗snek .
Legÿ ÿr-@@galmas vram en neko̗m  wet-@@ko̗zo̗thnek .
Mÿndo̗n gonoz-@@twl . zabadoh engo̗m vram .
O̗rdo̗go̗knek czalaardsaa-@@gatwl . zabadoh meg vram en-@@go̗meth :
Zo̗rnÿw ees herte-@@len {135} halaaltwl . Zabadoh meg vram engo̗meth :
The zent zÿleteeso̗dert . Zabadoh vram engo̗meth .
The zent ko̗rnÿwl meteleeso̗derth . Zabadoh vram engo̗meth :
Te zent bo̗ÿto̗leeso̗-@@derth . Zabadoh vram engo̗met .
Te zent kenoderth . ees ko̗ro̗zt-@@faderth . Zabadoh vram engo̗m<et> 
Te zent halaalodert . ees el te-@@meteeso̗dert . Zabadoh vram en .
Te zent dÿczo̗seego̗s fel thaa-@@madaasodert . Zabadoh vram en .
Te zent menÿbe meeneeso̗-@@derth . Zabadoh vram engo̗met .
{136} Zent leelo̗k boczataaso-@@derth . Zabadoh vram engo̗met 
Halaalomnak ÿdeÿen . veegÿ hozzaad vram engo̗meth :
Kÿri== ==eleÿson . Krÿste== ==eleÿson . Kÿri== ==eleÿson .
Pater nostert ees Aue mariath olwass :
{137} Immaar keztetÿk Azzo-@@nÿonk marianak weczer-@@nÿeÿe 
Dixit dominus .
MOnda athÿa isten en vramnak  Ihe-@@susnak . ÿlÿ en ÿo-@@gomrol  Donec : Mÿglen we-@@tho̗m te ellenseegÿdeth . laaba-@@ÿd alath walo zekkee 
Virgam .
Atÿa ÿsten te bÿrodalmadnak hatalmaath boczaathÿa sÿon-@@bool . azert vralkodÿaal te ellen-@@seegÿdnek ko̗zo̗the .
Teum principium .
Te weled egÿben walo kezdeth wagÿok te hatalmadnak napÿan . {138} kÿ meg tetÿk zento̗knek wila-@@gos feeno̗sseegeebe : merth een lwcÿfernek elo̗tte zÿltelek te-@@go̗det 
Iurauit :
Athÿa ÿsten meg esko̗week . ees ero̗ssen meg aallapÿk o̗ fogadaasa .
te wagÿ o̗ro̗kkee pap . melkÿ-@@sedek zo̗rzethe zeerent :
Dominus a dextris :
Vr kristus  te ÿogÿd felo̗l . o̗ haragÿnak napÿn o̗zwe tho̗rÿ az kÿraalokath .
Iudicabit .
Iteeleto̗t teezo̗n nemzeto̗k ko̗zo̗th : be to̗ltÿ az puztasaagokath : sokaknak fe-@@ÿeeth fo̗ldo̗n o̗zwe to̗rÿ .
De torrente 
{139} Ur kristus ez wÿlagÿ zawaros wÿzbo̗l ÿweek : ennek okaÿert atÿa ÿsten fel magaztataa fe-@@ÿeeth .
Gloria patri :
Dÿczo̗sseeg leegÿo̗n atÿa ÿstennek ees fÿw-@@nak . ees zent leelo̗knek :
Sicut erat :
Mÿkent wala kezdeth-@@be . ees ma== ==ÿs : ees mÿndo̗nko-@@ron : ees o̗ro̗kól o̗ro̗ke .
Amen .
Ez dÿczeretben . ÿnth mÿn-@@do̗nth dauid profetha ÿste-@@nÿ dÿczerethre :
Laudate pu-@@eri Istennek alaazatos zolgai : dÿczeerÿeeto̗k vrath : dÿczeer-@@ÿeeto̗k vrnak neweeth :
Sit nomen :
{140} Aldoth leegÿo̗n vrnak newe . maatwl fogwa ees mÿnd o̗-@@ro̗kÿg .
Asolis .
Nap taama-@@datwl fogwa nap essetÿglen . dÿczeereto̗s vrnak newe .
Ex-@@celsus :
Vr mÿndo̗n nemze-@@to̗knek fo̗lo̗the magaztatoth . ees menÿeknek fo̗lo̗the o̗ dÿ-@@czo̗seege 
Quis sicut .
Kÿ olÿ . mÿnt mÿ vronk ÿsten . kÿ magassaagokban lakozÿk : ees alaazatosokath meg te-@@keent menÿben ees fo̗ldo̗n .
Suscitans :
Fel emelween fo̗ltwl az zeegenth . ees az {141} ga-@@neÿbol fel ÿgazeÿthwan az nÿo-@@moroltath .
Vt collocet .
Hogÿ helho̗ztesse o̗teth angÿalÿ fe-@@ÿedelmekkel : ees o̗ neepÿnek feÿedelmÿwel .
Qui habitate .
Kÿ az meddo̗th lakoztathÿa haazba . fÿaknak o̗rwendo̗zo̗ annÿaath .
Gloria patrÿ .
Dÿ-@@czo̗seegh leegÿo̗n athÿa .
Vt supra .
Ez dÿceeretben . dauid pro-@@feta . ÿnt az menÿeÿ lako-@@dalmaknak kewansagara .
Letatus sum .~
O̗Rwendo̗zo̗k azokba  kÿk enneko̗m {142} zenth leelo̗ktwl mondathaanak . vrnak haazaaba meegÿo̗nk .
Stantes :
Oh ÿeerwsaalem  mÿ laabaÿnk aalhatatosok leenek . te aÿtodnak gaado-@@rÿban .
Ierusalem . Ierwsaa-@@lem  kÿ epeÿtetÿk mennÿegbe mÿkeeppen waaras : kÿnek egÿesseege o̗nno̗nbennedo̗n wagÿon .
Illuc eunt .
Oda az menÿeÿ ÿerwsaalembe fel mennek nem mÿndo̗n nem-@@zeto̗k : hanem czak vrnak nemzetÿ  ÿsraelnek bÿzonsaa-@@ga : vrnak newe wallaasara .
{143} Quia illic Mert oth ÿltepee-@@nek ÿteelo̗ zegbe . ÿteelwen da-@@wÿdnak czalaadÿath .
Rogate .
Azert kÿk aÿetoztok menÿeÿ lakodalomba . ÿgÿeko̗zÿeto̗k bee-@@ko̗seegre ÿerwsalembe : ees beewseeg teego̗d zereto̗knek :
Fiat pax .
Vram ÿsten  leegÿo̗n beko̗seeg te ero̗ÿdben . ees bew-@@seeg te magassaagÿdban .
propter fratres .
En atÿam fÿaÿeerth ees en baraatÿmeerth . hÿrdeto̗k wala beeko̗seego̗t te rolad :~
propter domum .
Mÿ vronk ÿsten-@@nek haazaÿerth : en kereso̗k {144} ÿokath neko̗d .
Gloria patri : vt supra :
Ez ÿmaadsaagba dauÿd profeta ÿnt . hogÿ az mÿth walakÿ magaaba esmer . ne o̗ magatwl . de ÿstentwl tarcza .
nisi dominus Ha vr ÿsten nem epeÿ-@@thendÿ az haazath : haath heeÿaaban mwnkalkodnak  kÿk o̗theth epeÿthÿk 
Nisi dominus Ha vr ÿsten nem o̗rÿzendÿ az waa-@@rasth . heeÿaba wÿgÿaaznak  kÿk o̗rÿzÿk o̗theth .
Vanum est .
Azert thÿ  ÿstennek zolgaÿ . {145} heewsaagos thÿnekto̗k ÿstenÿ wÿlagossagnak elo̗tte fel kel-@@no̗to̗k .
kelÿeto̗k fel  mÿ vtaan meg alaaztattatok . kÿk eezÿ-@@to̗k faaÿdalmnak kenÿereth .
Cum dederit .
Mÿkoron vr ÿsten adand az o̗ zeretho̗ÿnek aal-@@moth . ÿme akoron vrnak o̗-@@ro̗kseege . kÿk ÿstennek fÿaÿ . kÿknek eerdo̗mo̗k zÿz maria-@@nak mehenek gÿwmo̗lcze :
Sicut sagitte :
Mÿkeeppen hamar nÿlak hatalmasnak kezeeben . ezo̗n keeppen kÿ ÿz-@@teknek fÿaÿ .
Beatus qui :
{146} Boodog embo̗r  kÿ ezo̗kwel be to̗lto̗tte kÿwansagat . mert nem gÿalaztatÿk meg  mÿ-@@koron az kapwn zoland ellenseegÿnek :
Gloria patri .
Dÿczo̗seeg leegÿo̗n athÿa . et cetera .
Ez dÿczeretben dauid pro-@@feta tanetÿa ÿerwsalemo̗t . az az hÿw lelko̗t ÿstenÿ dÿcze-@@rethre :
Lauda iherusalem :
Iherwsalem  dÿczeerÿed vra-@@dath : hÿw leelo̗k  dÿczeerÿed te ÿsteno̗deth .
Quoniam confortauit .
Merth meg ero̗sseethee te kapwÿdnak rethezÿth : ees {147} meg aldotha a te benned walo fÿakath :
Qui posuit .
kÿ zo̗rzo̗th te hathaarÿdon beko̗sego̗th : ees gabonanak sÿrÿawal meg eeleegeeth tego̗d .
Qui emittit :
Kÿ boczathaa o̗ ÿgeÿeeth fo̗ldre . hamarsaa-@@goson hÿrho̗zÿk o̗ bezeede :
Qui dat .
Melÿ ÿstennek ÿgee-@@ÿe zo̗rzÿ az bÿno̗sth feÿeerree  mÿkeent gÿapÿath : ko̗do̗th hÿnth  mÿkeeppen hamwth .
Mittit cristallum .
Boczaatÿa o̗ krÿstalaath  mÿkenth fala-@@tokath . o̗ hÿdegeenek zÿne {148} elo̗th  kÿ zenwedheth .
Emittet .
Athÿa ÿsten boczaatÿa menÿ-@@bo̗l fÿath . ees meg lagÿethÿa bÿnben kemenÿwlth zÿweketh . fwwal o̗ zele . ees folnak wÿzek .
Qui annunciat :
Kÿ meg hÿrdetÿ o̗ ÿgeeÿeeth ÿaakobnak : ÿgas-@@saagÿth ees o̗ ÿteeletÿth ÿzra-@@elnek .
Non fecit :
Nem tho̗th ÿgÿen mÿndo̗n nemzethnek . ees o̗ ÿteeletÿth nem ÿelo̗n-@@to̗tte nekÿk : Gloria patri et .
Dÿczo̗seeg athÿaanak . ees fÿwnak . ees zent leelo̗knek :
Sicut erat Mÿkenth wala {149} kez-@@detben . ees ma . ees mÿndo̗n-@@ha . ees o̗ro̗kkwl o̗ro̗kee .
Am̄ .
Antifona .
Zenth zÿz marÿa . esedo̗zÿel mÿnd ez wÿlaagerth : mert zÿleed ez wÿlagnak kÿralÿat .
Capitulum . Ab inicio et ante et cetera .
Kezdettwl fogwa . ees ko-@@roknak elo̗tte thero̗m-@@tettem . ees az ÿo̗wendo̗ ko-@@rÿgh meg nem zo̗no̗m . ees zent lakodamba o̗ elo̗tthe zolgaleek :
Haalaa adasseek ÿstennek :
Responsorium : O decus virginitatis .
O Zÿzesseegnek eeko̗sseege  zÿz maria . czak theeno̗n-@@magad {150} wagÿ hazaswlathlan anÿa . zÿz zÿleeso̗dnek elo̗tte . zÿz zÿleeso̗d koron . zÿz zÿleeso̗dnek vtaanna : Krÿstwsnak annÿa . Istennek temploma . vrnak ÿe-@@gÿo̗se . ez wÿlaagnak azzonÿa . ees menÿorzaagnak kÿraalne azzonÿa :
Wers Weegÿed  kee-@@ro̗nk  aldozatÿnkath .
adÿad  a-@@mÿth keero̗nk . ees oltalmaz  a-@@mÿtwl feelo̗nk :
Krÿstusnak : Dÿczo̗seeg athÿaanak . ees fÿw-@@nak . ees zent leelo̗knek :
Kristus :
Imnus :
Aue maris stella .
O Istennek ko̗gÿelmes {151} annÿa . kÿ wagÿ tengo̗rÿ czÿl-@@lag ees mÿndo̗nkoron zÿz . es menÿorzagnak bodog kapwÿa .
Sumens :
O Istennek ko̗-@@gÿelmes zÿleÿe . kÿ weed ga-@@brÿelnek zaÿabol az ÿdwo̗z-@@leto̗th : ero̗seeÿcz mÿnketh be-@@ko̗seegben . waltoztathwaan ewaanak neweeth :
Solue .
O Istennek ko̗gÿelmes zÿleÿe . odÿad meg bÿno̗so̗knek ko̗-@@theleÿth . wakoknak agÿ wÿ-@@lagoth . ees mÿ bÿno̗nketh el taawoztatwan nÿerÿ ne-@@ko̗nk mÿndo̗n ÿokath :~
{152} Monstra .
O Istennek ko̗gÿel-@@mes zÿleÿe . mwtassad tenno̗n-@@magadath anÿanknak : ees fogadÿa altalod mÿ ÿmadsa-@@gonkath . az kÿ mÿ ero̗tto̗nk zÿleto̗th . akara thÿeed lennÿ .
Virgo singularis :
O kristusnak ko̗-@@gÿelmes zÿleÿe . Egÿetlen egÿ zÿz . mÿndo̗no̗k ko̗zo̗th kegÿo̗s . mÿnketh bÿno̗ktwl megh zabadoÿthwaan . teegÿ ko̗gÿel-@@messee ees thÿztakkaa .
Vitam .
O Istennek zÿleÿe . Agÿ ne-@@kwnk tÿzta eeleto̗th . zo̗ro̗zÿ bathor vtath : hogÿ mÿ Iesusth {153} la<a>thwan . mÿndo̗nkort egÿ-@@be o̗rwlÿo̗nk .
Sit laus deo :
Leegÿo̗n dÿczeereth athÿa ÿstennek . nagÿ krÿstusnak eko̗sseegh : zent leelo̗knek . haromnak . leegÿo̗n egÿ tÿs-@@to̗sseegh .
Amen :
wers :
Zÿz zÿleso̗dnek vtanna zeplo̗telen meg marattaal :
Istennek an-@@nÿa.  esedo̗zÿel mÿ eero̗tto̗nk :~
Magnificat .
NAgÿeÿ-@@thÿa en lelko̗m vrath . Ees o̗rwendo̗ze en lelko̗m . en ÿdwo̗zeÿtho̗ ÿste-@@no̗mbe .
Merth thekeenthee {154} o̗ zolgalo le<ÿ>anÿaanak alaa-@@zatossaagath . merth ÿmee ebbo̗l bodognak mondnak engo̗m mÿndo̗n nemzeto̗k . Merth tho̗n neko̗m nagÿo-@@kath  kÿ hatalmas : ees zent o̗ newe .
Ees o̗ ÿrgalmassaa-@@ga magzatrol magzatokra .
o̗teth feelo̗knek : Tho̗n hatal-@@math o̗ karÿaaban . el weztee keweelo̗keth . o̗ zÿweenek elmee-@@ÿeewel : Le wethee hatalma-@@sokath zekbo̗l : ees fel magaz-@@tathaa alazatosokath : Eho̗-@@zo̗keth be to̗lthe ÿokwal : ees {155} kazdagokath boczaathaa hee-@@won .
Be fogadaa ÿsrael o̗ gÿermo̗keeth : meg emleko̗z-@@wen o̗ ÿrgalmassaagaarol : Mÿkenth zola mÿ athÿaa-@@ÿnknak : abrahamnak ees o̗ magzathÿaanak o̗ro̗kkee .
Dÿczo̗seeg athÿanak ees fÿw-@@nak . ees zent leelo̗knek . Mÿ-@@kenth wala kezdethben . ees ma . ees mÿndo̗nha . ees o̗ro̗k-@@kwl o̗ro̗kkee .
Amen :
Antiphona .
O Istennek dÿczo̗ zÿleÿe  zÿz ma-@@ria . kÿ meelto leel mÿndo̗no̗k-@@nek vraath wÿselno̗d . ees {156} arkan-@@gÿaloknak kÿralÿath czak ten-@@no̗n magad zÿzen emlethno̗d .
azerth keero̗nk  ko̗gÿelmes zÿz . emleko̗zÿel rolonk . ees keerÿed mÿ eero̗tto̗nk krÿstusth . hogÿ te oltalmaddal eko̗swlwen . eer-@@do̗mlÿo̗nk mennÿeknek orza-@@gaba ÿwthnÿ :
wers Vram  halgasd meg en ÿmadsagomat . ees en ÿwo̗lteeso̗m te hozÿad ÿwsson .
Imadsagh .
Engedÿed  keero̗nk  mÿnketh  the zolgaÿdath mÿ vronk ÿste-@@no̗nk . elmeenknek ees tes-@@to̗nknek eeltÿgwalo {157} egees-@@seegwel o̗rwlnÿ . ees dÿczo̗-@@seego̗s bodog marianak mÿn-@@do̗nha zÿznek esedo̗zeeseewel . mastanÿ zomorwsaagtwl meg zabadolnÿ : ees o̗ro̗k o̗ro̗mmel lakoznÿ .
Mÿ v-@@ronk Iesus krÿstus  te fÿad mÿath . kÿ te weled eel . ees orzagol . zent leelo̗knek egÿes-@@seegeeben ÿsten . o̗ro̗kkwl . o̗ro̗kke .
Amen :
Zent haa-@@romsaag ÿmadsaga :
Antiphona :
Theego̗d hÿwonk . teego̗d ÿ-@@maadonk . teego̗d dÿczeero̗nk . oh bodog zenth haaromsaagh .
{158} wers Aldÿok athÿath ees fÿwth . zenth leelo̗kwel egÿbe .
Dÿczeer-@@ÿo̗k  ees mÿndo̗no̗knek fo̗lo̗tte magaztasÿok o̗teth o̗ro̗kkee :
Ewro̗k Imadsagh .
mÿndo̗nhato ÿsten . kÿ engetted neko̗nk  te zol-@@gaÿdnak . ÿgaz hÿtnek wal-@@laasabol . o̗ro̗k zent harom-@@sagnak dÿczo̗segeth meg es-@@merno̗nk . ees ÿstenÿ felseg-@@nek hatalmabol . egÿ ÿsten-@@seego̗th ÿmadnonk . kero̗nk tego̗d . hogÿ azon hÿtnek ero̗s-@@seegeewel . meg zabadolÿonk {159} mÿndo̗nha . mÿndo̗n ellen-@@seego̗ktwl .
Zent Anna az-@@zonrol walo ÿmadsag :
Antiphona .
Menÿeÿ aÿandok zaalla zent anna azzonÿba . kÿthwl zÿle-@@teek zÿz maria :
wers :
The dÿ-@@czo̗sego̗ddel ees te zeepsego̗dwel ÿgÿeko̗zÿel bewseggel . leepÿel kÿ . ees orzaagolÿh :
Imadsagh .
Ewro̗k mÿndo̗nhatho ÿsten . kÿ zent annaa-@@nak annÿ malaztoth adnÿ meeltolal . hogÿ marÿath  mÿ vronk Iesus kristusnak annÿath . o̗ meeheebe wÿsel-@@neeÿe .
{160} Agÿ neko̗nk  anÿa-@@nak . ees leanÿanak ese-@@do̗zese== ==mÿath . te ko̗gÿel-@@messeego̗dnek bewsegeth . hogÿ kÿknek emleko̗zetÿth kegÿo̗s zerelmel o̗lelÿo̗k : o̗nekÿk ÿmadsagokwal . menÿeÿ ÿerwsalemben ÿwthatnÿ eerdo̗mlÿonk .
Zÿz zent katherÿna azzonÿ Imadsaga :
Antifona .
Zÿz zent katherÿna . go̗ro̗g orzagh-@@belÿ gÿo̗ngÿ . kostws kÿraal-@@nak wolth leanÿa .
wers Zent katherÿna azzonÿ . ÿmagÿ {161} mÿ ero̗tto̗nk . hogÿ meeltok leehes-@@so̗nk Iesus krÿstusnak ÿgÿre-@@tÿre :
Imadsag UR ÿsten . kÿ adaal tho̗rwenth moÿsesnek sÿnaÿ hegÿnek teteÿen . ees azon helo̗n the zent [zent] angÿalÿdnak mÿ-@@atta . zent katherÿna azzon-@@nak . zÿznek ees martÿrnak thesteeth czoda keeppen hel-@@ho̗ztetted .
keero̗nk theego̗d  engedÿed neko̗nk . hogÿ . o̗ . erdo̗menek ees esedo̗zeese-@@nek mÿatta . az heegÿre kÿ  kristus  ÿwthassonk :
{162} Ez ÿmadsag wagÿon az po-@@ganok ellen . Ees azok ellen- ÿs . kÿk maasth meeltat-@@lan bantnak megh . awagÿ meelatlan haborgathnak .
Tho̗rd meg  vram ÿsten  az te zent haazadnak . ees te zolga-@@lo leanÿodnak ellensegÿnek ero̗ÿeeth . ees tho̗rÿed el o̗keth . hogÿ megh esmerÿeek . mert nÿnczen egÿeb  kÿ mÿ ero̗tto̗nk wÿaskodÿeek . hanem czak te  mÿ ÿsteno̗nk :
wers .
Thaama-@@dÿon fel az vr ÿsten . ees el tho-@@rettessenek az o̗ ellenseegÿ . ees {163} el fwssanak o̗ orczaaÿa elo̗l . kÿk o̗teth gÿwlo̗lteek :
Imad-@@sagh .
Ewro̗k mÿndo̗n hato vr ÿsten . kÿnek kezÿben wannak mÿndo̗n hatalmassaagok . ees mÿn-@@do̗n orzagoknak to̗rweenÿe . tekeencz  keerlek  ko̗gÿelmes-@@so̗n te zolgalo leanÿodnak . ees mÿnd ko̗zo̗nseego̗s ko̗-@@ro̗zthÿen neepnek sego̗del-@@meere . hogÿ az en ellensee-@@gÿm . ees mÿnd az pogaan neepek . kÿk az o̗ ero̗ÿo̗kbe . ees kemeensego̗kbe bÿzta-@@nak . {164} te hatalmassaagodnak ÿoghÿaawal meg to̗rettesse-@@nek .
Mÿ vronk Iesus krÿs-@@tusnak . te fÿadnak mÿatta . kÿ te weled eel  ees orzagol . zent leelo̗knek egÿessegeben ÿsten . mÿnd o̗ro̗kkwl o̗ro̗k-@@kee .
Amen .
Ur ÿsten  halgasd meg en ÿmadsagomath : Ees az en ÿwo̗lteeso̗m te hozÿad ÿwsson :
Aaldaasth mondÿonk vrnak . Haalaa adasseek ÿstennek :
Wersus .
Istennek malaztÿa : ees Iesus krÿstusnak ÿozaaga . maradÿon mÿndo̗nkor mÿ welo̗nk :
Amen :
{165} Zent Mihal arkangÿanrol walo ÿgo̗n zeep ÿmadsag .
VR kristus Ie-@@susnak arkan-@@gÿala  zenth Mÿhaal . kÿ ÿo̗ttel ÿsten nepenek segeth-@@segere . leegÿ enneko̗n seget-@@seeg az felsego̗s bÿronak elo̗tte . hogÿ enneko̗m  bÿno̗s-@@nek . agÿa ees engegÿe mÿn-@@do̗n nemw bÿneÿmnek bo-@@czanatÿath . az . o̗ . nagÿ ÿrgal-@@massagÿnak ko̗gÿelmessee-@@geeÿerth .
Halgas meg engo̗-@@meth . {166} te hozÿaad ÿwo̗lto̗th ees tego̗d hÿwooth  zenth mihal . ees segeÿcz engo̗-@@meth vrnak felsegenek ko̗-@@nÿo̗rgo̗eth .
ees legÿ ÿmado en eertem  sÿroÿerth . ees tegÿ engo̗meth zabadossaa mÿn-@@do̗nnemw bÿneÿmtwl .
Eznek fo̗lo̗tte kerlek tego̗d  felsego̗s ÿstennek zeep ees eeko̗s zolgaÿath . hogÿ az vtholso napon . ko̗gÿelme-@@so̗n fogadÿad az en lelko̗-@@meth . az te zentseego̗s kebe-@@ledben . ees wÿgÿed o̗teth {167} az kÿes beko̗segnek ees nÿw-@@godalmnak heleere . holoth az zento̗knek lelkÿ wÿga-@@saggal . ees mondhatatlan o̗rwendeto̗sseegwel . az ÿo̗-@@wendo̗ ÿteleto̗th . ees az fel-@@thamadaasnak bodogsaa-@@gos dÿczo̗segeth waarÿak .
Amen .
wers .
Fel meene tho̗mÿeno̗zo̗ fwstnek ÿllat-@@tÿa vrnak eleÿben . angÿal-@@nak kezeebo̗l .
Imaadsaag .
UR ÿsten  kÿnek feeno̗s-@@segenek wÿlagossaa-@@gawal . zent mÿhal felÿwl mwl {168} angÿaloknak seregeet  kerlek tego̗d . hogÿ mÿkeppen o̗ . az te malaztodwal erdo̗m-@@lee menÿeÿ feÿedelmseeg-@@nek o̗ro̗kseegeth bÿrnÿa : azon keppen mÿ ees . az . o̗ . keereeseewel nÿerhesso̗k az o̗ro̗k eeleto̗th .
Mÿ vronk Iesus krÿstusnak  te fÿad-@@nak mÿatta . kÿ te weled eel  ees orzaagol . zent leelo̗k-@@nek egÿessegeben ÿsten . o̗ro̗k-@@kwl o̗ro̗kkee 
Amen :~
Ez alaa meg ÿrth ÿmadsa-@@goth zo̗rzo̗tte bodogsaagos {169} zent Agoston doktor . o̗nekÿ ent leelo̗ktwl ÿelo̗nteth-@@wen  ees ha walakÿ o̗teth aÿehtatosagwal megh olwassa . tahaath mÿndo̗n nemw wezo̗delmektwl meg ooltalmaztatÿk :-
Imadsaag UR ÿsten  leegÿ ko̗gÿelmes en-@@neko̗m  bÿno̗snek . es o̗rÿz engo̗meth . leegÿ welem en eelto̗mbe . mÿnd eeÿel es mÿnd nappal .
Abrahamnak ÿstene . ÿsaaknak ÿstene . ÿa-@@kobnak ÿstene  ÿrgalmazÿ {170} enneko̗m . ees boczaassad en segeÿtsego̗mre zent mÿ-@@hal arkangÿalth . kÿ engo̗-@@met oltalmazÿon  ees wee-@@delmezÿo̗n mÿndo̗n en el-@@lensegÿmtwl . testÿektwl ees lelkÿektwl .
Zent mÿ-@@hal arkangÿal  oltalmazÿ engo̗met mÿndo̗n wezo̗del-@@mekben . hogÿ el ne wezÿek az reetteneto̗s ÿtheelethbe .
O Zent mÿhal arkangÿal . az malazthnak mÿatta . kÿt eerdo̗mlo̗ttel . kerlek tego̗deth . ees mÿ vronk ÿesus kristusra . {171} ÿstennek egÿetlen egÿ fÿara . hogÿ zabadeÿcz meg engo̗-@@meth ma . halaalnak wezo̗-@@delmetwl .
Zent gabriel . zent Raffael . ÿstennek mÿnd zent angÿalÿ ees arkangÿalÿ  le-@@gÿeto̗k segeÿtsegh enneko̗m .
Kerlek tÿto̗keth mÿnd men-@@nÿeÿ ÿozaagos angÿalok : hogÿ adÿatok enneko̗m se-@@geÿtsego̗th ees hatalmath : hogÿ semmÿnemw ellenseg enneko̗m ne arthasson . se wton . se wÿzbe . se thwzbe . se hÿrtelen halaallal . se {172} en-@@go̗meth alwwan . se wÿgÿaz-@@wan meg ne nÿomoreÿ-@@czon  awagÿ serczo̗n .
Imee vrnak ko̗ro̗zthfaÿa . fwssa-@@tok el en ellenseegÿm .+
Gÿo̗z orozlaan ÿwdaanak nemzetÿbelo̗l . dawÿdnak go̗kere .
alleluÿa .
Ez wÿ-@@lagnak ÿdwo̗zeÿto̗ÿe  ÿdwo̗-@@zeÿcz engo̗meth . kÿ te zent ko̗ro̗ztfadnak . ees twlaÿ-@@don te dragalatos zent we-@@ro̗dnek mÿatta . mÿnketh meg waaltottaal . leegÿ se-@@geÿthseeg enneko̗m .
tego̗d {173} kerlek  en ÿsteno̗m . Zenth ÿsten . ero̗s ÿsten . ees halal-@@talan ÿsten . ÿrgalmazÿ mÿ-@@neko̗nk .
Krÿstusnak ko̗ro̗zt-@@faaÿa + ÿdwo̗zeÿcz engo̗-@@meth . Krÿstusnak ko̗ro̗zth-@@faaÿa + oltalmazÿ engo̗-@@meth . Krÿstusnak ko̗ro̗zt-@@faaÿa + weedelmezÿ engo̗-@@meth .
Athÿaanak + ees fÿwnak + ees zent leelo̗k-@@nek + neweeben .
Amen .
{174} Ko̗wethko̗znek ÿmaar bodog azzonÿ soltara-@@nak . az az maasfel zaaz ÿdwo̗zlegÿ marianak aÿanlaasÿ .
Elo̗zo̗r egÿ kredoth mongÿ . az vtan o̗thwen Aue mariath . ees mÿndo̗n thÿz Aue ma-@@ria vtan . egÿ Pater nostert mondÿ : ozton aÿanld el ez ÿmaadsaagwal .
HAalaath adok en teneko̗d  ÿstennek zÿleÿe  zÿz marÿa . mÿndo̗nnemw ÿo wool-@@todrol . {175} melÿ ÿooth enneko̗m nÿertel az te zent fÿattol .
Azerth== ==ees . en ez o̗thwen ÿd-@@wo̗zlegÿ mariath olwastam teneko̗d . annak okaaÿerth . hogÿ mÿ no̗mo̗s vronk Ie-@@sus kristus tetwled testo̗th fogada zeplo̗telen . o̗ . nagÿ ÿstensegenek hatalmassa-@@gawal . kÿ ÿgo̗n gÿermo̗kdÿd ees ÿgo̗n gÿo̗nge wala . zeep wala . ees vraknak vra wala .
El hagÿaa az o̗ menÿeÿ hazaa-@@ÿath . ÿo̗we ez fo̗ldre mÿ ero̗t-@@to̗nk . hogÿ az o̗ro̗k halaltol {176} mÿnketh meg zabadoÿtana .
Azerth leegÿo̗n te zent fÿad-@@nak o̗ro̗k haalaa adaas . ees teneko̗d nagÿ dÿczo̗seg .
Amen .
Az maasod o̗twen Aue maria vtan walo . a-@@ÿanlo ÿmadsagh ÿm== ==ez :~ Oh en azzonÿom ees en anÿaam  zÿz ma-@@ria . emleko̗zÿel meg mÿ no̗mo̗s vronk Iesus krlstusnak faaÿdalmÿrol . mÿnemw faaÿdalmÿ walaa-@@nak nagÿ peento̗ko̗n . kÿ-@@keth walloth== ==wala mÿ ero̗t-@@to̗nk  {177} bÿno̗so̗kerth .
Azert ees . ez angÿalÿ ÿdwo̗zleto̗keth . kÿknek mÿatta annezor meg o̗lelteto̗l  ees apoltatol . mÿnezo̗r ko̗zo̗nteto̗l Aue marianak mÿatta :
En nagÿ bÿno̗s olwastam ez o̗thwen ÿdwo̗zlegÿ mariath te zent fÿadnak kennÿaÿerth . kÿ-@@keth nÿlwan ees thÿtkon zenwedo̗th . kÿkeert  no̗mo̗s azzonÿom  kerÿed az te zere-@@tho̗ fÿadath . hogÿ legÿo̗n ÿr-@@galmas az pwrgatorÿom-@@belÿ zeegenÿ lelko̗knek . ees {178} mÿnd az ko̗zo̗nseego̗s ha-@@lottaknak . ees el fo̗ldo̗n wa-@@lo bÿno̗so̗knek . ees enneko̗m  nagÿ bÿno̗snek .
Amen .
Az harmad o̗thwen Aue maria vtan walo aÿanlo ÿmaadsaagh ÿm== ==ez :~ ZEpsegw eeko̗s ees bodog dÿczeeretho̗s feno̗sseeg . ees men-@@nÿeÿ gÿo̗ngÿo̗kwel meg eko̗swlteto̗th zÿz maria . kÿk te benned bÿznak  azok-@@nak te wagÿ ÿdwo̗sseeg . ees bodogsaag :
O paradÿczom-@@belÿ {179} gÿo̗nÿo̗rwseegh . ees mennÿeÿ orwossaagok-@@nak no̗mo̗s patÿkaaÿa . emleko̗zÿel meg az na-@@gÿobb o̗ro̗medro̗l . kÿerth olwastam  en nagÿ bÿno̗s  ez o̗thwen ÿdwo̗zlegÿ ma-@@riath . merth laam az the zent fÿad fel thaamada .
Azerth kerlek tego̗d  no̗mo̗s azzonÿom  zÿz maria . ez te nagÿ o̗ro̗mederth : hogÿ mÿkeeppen . ees melÿ bÿ-@@zonnÿal az te zenth fÿad fel thaamadoth . olÿan {180} bÿ-@@zonnÿal fel thaamath-@@hassak az en nagÿ bÿne-@@ÿmbo̗l .
Amen :
Ez az weege . vr ÿstennek haalaa .
Amen .
Ez ko̗nÿweth ÿrtha .F. .M.
Nadsaagos Benÿg-@@na azzonnak  Nÿhaÿ kenesÿ paal thaarsanak . o̗ nadsaaga klastroma-@@ban waasomban .
Mÿ-@@korth ÿrnaanak kristus zÿleteesenek vtaanna . ezo̗r o̗th zaaz. thÿzo̗n haarom eztendo̗ben :~
{181} Meeg ees tho̗b ÿmadsaagh ko̗wethko̗zÿk bodog zÿz ma-@@riarol . kÿ ÿgo̗n zeep . aÿtatos . ees haznalatos Imadsaagh .
IDwo̗zlÿek tego̗det  zent-@@sego̗s zÿz maria . angÿa-@@loknak kÿralne azzonÿa . az ÿdwo̗zlethwel . kÿwel tego̗-@@deth ÿdwo̗zle gabriel arkan-@@gÿal . mÿkoron zent harom-@@sagtvl hozÿaad boczattateek  ees kÿldeteek mondwan . Id-@@wo̗z== ==leegÿ malazthwal telÿes  vr wagÿon te weled .
felÿwl zaal te reÿad zent leelo̗k . ees {182} felsego̗s ÿstennek ÿowoltha . meg arnÿkoz tego̗det .
Ees az kÿ tetwled zÿletÿk . hÿwatta-@@tÿk ÿstennek fÿanak .
kerlek tego̗d  dÿczo̗sego̗s zÿz maria . az te nagÿ o̗ro̗mederth . mel-@@lÿeth wallaal az eÿel . mÿko-@@ron ez wÿlagra zÿleed az te zepsego̗s fÿadath  vronk kri-@@stus Iesusth . bÿzonÿ istent ees embo̗rth : hogÿ wÿgazthalÿ meg engo̗meth : ees mÿndo̗n en haborosagomba . keserw-@@sego̗mbe ees zÿksego̗mbe . legÿ enneko̗m sego̗delmem :
{183} Kerlek tego̗det  kegÿo̗ssegnek ees ÿrgalmassagnak azzonÿa  bodogsagos zÿz maria . az the mondhatatlan nagÿ o̗ro̗me-@@dert . melÿ o̗ro̗mmel be te-@@leek az oraba a te zent lelko̗d . mÿkoron gabriel arkangÿal-@@nak mÿatta meg ÿzenteteek neko̗d  ees fogattateek istennek fÿa .
Ees az ÿstenÿ mondha-@@tatlan nagÿ tÿtokerth . kÿth akoron mÿwelko̗deek  mÿ-@@koron mondaa . zent leelo̗k zaal felÿwl tereÿad . ees fel-@@sego̗s ÿstennek ÿowolta ees {184} hatalmassaaga meg arnÿ-@@koz tego̗det .
Ees az nagÿ oro̗-@@merth  kÿwel az te zent lelko̗d meg wÿgaztaltateek . mÿ-@@koron menÿorzagba az zen-@@to̗knek fo̗lo̗tte helho̗zteteel .
ÿoglas enneko̗m  meeltat-@@lan ees bÿno̗s zolgalo lea-@@nÿodnak  benÿgnanak . az te edo̗ssego̗s zeep fÿadtvl  Ie-@@sustul  en  tero̗mtemtwl . es meg waltomtul :
Nÿerÿed neko̗m zent leelo̗knek ma-@@laztÿath . hogÿ o̗ zent felsege-@@nek akaratÿath mÿndo̗nbe {185} meg tellÿeseÿthessem .
Azert dÿczo̗sego̗s zeplo̗telen zÿz ma-@@ria . aÿanlom en bÿno̗s fe-@@ÿemeth te kegÿo̗ssego̗dnek . ees ko̗gÿelmessego̗dnek alaÿa .
Ees kerlek tego̗det  ÿstennek zenthsego̗s zÿleÿe . hogÿ legÿo̗n beko̗seg ma en welem . mÿ-@@keppen te weled wala . mÿko-@@ron zóleed az te zereto̗ fÿadat  Iesusth .
Ees oltalmaz megh engo̗meth gonoz zothul . zep-@@lo̗tól . gÿalazattwl . ees tes-@@to̗mnek  lelko̗mnek wezo̗-@@delmetol . o̗ro̗kól o̗ro̗kee 
Amē .
{186} Ez ÿmadsaag wagÿon ódwo̗-@@zeÿtenk krsitus Iesusrol . mÿn-@@do̗n gonoz ellensego̗knek ees hamÿs tanwknak ellene . ees towabba zo̗rnÿó halaal-@@lal sem hal meg az  kÿ aÿta-@@tatossagwal meg olwassa .
Igaz bÿro  Iesus kristus  isten-@@nek fÿa . te wagÿ vram kÿra-@@lÿoknak kÿralÿa . kÿ orzag-@@laz atÿa ÿstennel koronkent ees zent leelo̗kwel .
te melto legÿ vram en ÿmadsagomat hallanÿ . ees ko̗gÿelmest fogadnÿ 
The menÿorzagbol alaa {187} zallaal zÿz marianak mehe-@@ben . ÿnneeth fogadwan bÿ-@@zon testo̗th . ez wÿlagot meg latogataad .
Zo̗melÿo̗d ze-@@renth meg waltad vram ÿs-@@ten az te tero̗mto̗tted zegenÿ bÿno̗s adam== ==fÿath . az te ar-@@tatlan zent weero̗dnek hul-@@lasawal .
The zent keenod en ÿsteno̗m  kerlek  hogÿ ool-@@talmazÿon engo̗met zo̗net-@@len mÿndo̗n wezo̗delmektól . hogÿ meelto legÿek lakoz-@@nom te zent zolgalatodban .
Ielo̗n legÿo̗n enneko̗m te {188} ÿrgalmad ees oltalmad mÿndo̗nkoron . hogÿ en el-@@meemeth meg ne haboret-@@hassa o̗ czalardsagawal en ellensego̗m . ees en tes-@@tom se kaarhozÿeek aal-@@noksagos tórnek mÿatta .
Ero̗s [karodwal] ÿogodwal  kÿ meg tho̗reed pokolnak o̗ kapwÿt . tho̗rÿed megh vram en ellensegÿmet ees o̗ czalardsagokath . kÿkkel akarÿa<a>k meg foglalnÿ en zÿwemnek vtaÿt ees fo̗wenÿt .
Halgas meg vram engo̗-@@meth  {189} tehozÿad kÿaltoth ees nÿawalas esedo̗zo̗th . ees te ko̗gÿelmessego̗d kereso̗ÿnek engegÿ wÿgaztalasth . hogÿ en ellensegÿm ffel ne tha-@@madÿanak en bozzwsagomra .
El tho̗rettessenek  ees el fo-@@gÿathkozzanak  kÿk el akar-@@nak engo̗meth weztenÿ . es legÿo̗n azoknak rontasokra gÿólo̗seegnek o̗ thóre .
O ÿo Iesus . o kegÿo̗s Iesus  ne akarÿ engo̗meth el hagÿnod :~
The oltalmaz  te wedelmez . te legÿ enneko̗m paÿsom . {190} hogÿ te ÿgazgathwan aal-@@hassak elleno̗k  kÿk engo̗met ragalmaznak . hogÿ azokat mg gÿo̗zwen towabbaa o̗rólhessek :
Erezzed enne-@@ko̗m te felsego̗s zekeÿdbo̗l . wÿgaztalo zent lelko̗th . kÿ meg wÿlagosoha en thana-@@czomat az . o̗ . feeno̗ssegewel . ees engo̗met gÿólo̗ket az o̗ gÿólo̗sego̗kwel egÿeto̗mbe . el thawoztassa  ees el ózze .
The zent ko̗ro̗ztfadnak . o̗ . ÿegÿe meg ÿegÿo̗zze en ertel-@@memeth . kÿ meg gÿo̗zo̗ dÿa-@@dalmal {191} engo̗m gÿo̗zo̗wee the-@@gÿo̗n . hogÿ az ellenseeg meg gÿo̗ztethwen . o̗ . ereÿben meg fogÿathkozÿek 
Ne adÿ ero̗th  vram Iesus  kerlek  en ellen-@@segÿmnek . de wettessenek en hatalmassagom alaa .
tego̗d kerlek tÿzta zÿwel . te-@@hozÿad walo kegÿo̗s folÿama-@@tomert . kÿ ÿdwo̗zeÿteed elso̗ embo̗rth te zent ko̗ro̗ztfadon .
Irgalmazÿ  ÿrgalmazÿ eelo̗ ÿstennek egÿ fÿa .
ÿrgalmazÿ enneko̗m  Benÿgnanak an-@@gÿaloknak vra . e<e>s mÿndo̗n-@@koron {192} legÿ en rolam meg emleko̗zo̗ vram Iesus  bocza-@@nathnak adoÿa .
Athÿa is-@@ten . fÿw isten . ees zent lelo̗k ÿsten . kÿ mÿndo̗nha egÿ isten wagÿ . ees mondatol menÿnek ees fo̗ldnek vra . lego̗n neko̗d o̗ro̗k dÿczo̗-@@seeg ees o̗ro̗k tÿzto̗sseeg .
Am̄ .
Mÿkoron le akarz feko̗nnÿe te <a>agÿadba . tahaat elo̗zo̗r olwas egÿ Pater nosterth . vronk Iesusnak zent halaa-@@lanak dÿczeretÿre ees az zent {193} ko̗ro̗ztfanak tÿzto̗ssegere . Azzonÿonk marianak haa-@@rom Idwo̗zlegÿ marÿath . es zent o̗rÿzo̗ angÿalodnak eg kredoth . terdo̗n aalwan aagÿadnak elo̗tte .
Annak <vtanna.> mondÿad ez ÿmadsagokat .
En vram Iesusnak zentsego̗s ko̗ro̗ztfaÿa-@@nak ÿegÿe . legÿo̗n en welem  Benignawal .+
Iesus kri-@@stusnak zent ko̗ro̗ztfaÿanak ÿegÿe en mellettem legÿ + hogÿ engo̗met oltalmazÿ gonoz leelo̗któl . eÿnek . o̗ . {194} ÿdeÿen +
En zÿwembe legÿ . hogÿ en zÿwemeth me<g> tÿz-@@teczad gonoz gondolatoktwl .+
En ko̗rnÿolem legÿ . hogÿ engo̗m meg tarcz ees meg o̗rÿz . pokolbelÿ saatannak mÿndo̗n hatalmassagatul ees mÿndo̗n gonoztul :+
En elo̗ttem legÿ . hogÿ engo̗m wÿgÿ az te zent akaratodra .+
En ffo̗lo̗ttem legÿ . hogÿ engo̗m meg aalgÿ . ees wÿgÿ engo̗m az zÿz marianak . o̗ . fÿahoz . hogÿ en lakozzam o̗-@@wele o̗ro̗kwl o̗ro̗kee .
Amen .
{195} IEsus kristusnak Imadsagh zent ko̗ro̗ztfaÿanak gÿo̗zo̗del-@@menek mÿatta .
meltoltas-@@seek wr mÿndo̗nhato isten-@@seeg meg aaldanÿ ees o̗rÿz-@@nÿ engo̗met . o̗ . zolgalo lean-@@nÿat  Benignath ez eÿnek ÿdeÿen +
Atÿanak + ees fÿwnak + ees zent lelo̗knek neweben .
Amen .
Imadsag O Vram Iesus kristus . wesd az aldomaasth en ream zolgalo leanÿodra . melÿ aldomassal meg aal-@@dad te zentsego̗s anÿadath  {196} zÿz mariath . ees az zent apos tolokath . mÿkoron fel meneel az olÿwetÿm hegÿro̗l mÿnd az te zent atÿadiglan .
Idwo̗sseg  egÿesseg . ees aldomas ÿo̗ÿo̗n enneko̗m . en vram Iesus kris-@@tostul .
Atÿaanak ees fÿwnak ees zent lelo̗knek + aldomasa legÿo̗n ez eÿel . ees mÿndo̗nko-@@ron en testo̗mmel lelko̗mel .
Am̄ .
Legh vtolzor kezed fel-@@emelwen mondÿad . Vram  mÿndo̗nhato vr ÿstenseeg . te kezeÿdben aÿanlon az en lelko̗meth :
Amen :
.1.5.13.